ບໍລິສັດ ໂຕໂຢຕ້າ ມໍເຕີ້ ປະເທດໄທ ຈຳກັດ ໄດ້ມອບອຸປະກອນຄອມພິວເຕີ້ ແລະ ອຸປະກອນ ICT ເພື່ອສ້າງຫ້ອງຮຽນ ວິຊາຄອມພິວເຕີ້ໃຫ້ກັບໂຮງຮຽນມັດທະຍົມສົມບູນຫົວຊຽງ, ນະຄອນຫຼວງວຽງຈັນ ໃນວັນທີ 06 ສິງຫາ 2018.


ໂຕໂຢຕ້າ ໄດ້ເລັງເຫັນຄວາມສຳຄັນຂອງການພັດທະນາການສຶກສາຂອງເຍົາວະຊົນໃນ ສປປ ລາວ ຈຶ່ງໄດ້ມອບອຸປະກອນ ການເພື່ອສະໜັບສະໜູນການສຶກສາໃຫ້ກັບໂຮງຮຽນທີ່ຂາດເຂີນ ເພື່ອໃຫ້ເຍົາວະຊົນໄດ້ສຶກສາຮຽນຮູ້ຈາກອຸປະກອນຕົວຈິງ. ໂອກາດນີ້ ທ່ານ ຈັກກຣີນ ຊົນນະທີທອນ ຮອງປະທານຝ່າຍປະຕິບັດການ ສຳນັກງານເຂດພູມມິພາກແມ່ນໍ້າຂອງ ແລະ ທ່ານ ສະຫະຊາດ ກັງສະສິທຽມ ຜູ້ບໍລິຫານ ຫ້ອງການຜູ້ຕາງໜ້າຂອງ ບໍລິສັດ ໂຕໂຢຕ້າ ມໍເຕີ້ ປະເທດໄທ ຈຳກັດ ເປັນຕົວແທນມອບ ຄອມພິວເຕີ້ 8 ໜ່ວຍ, ອຸປະກອນໄອທີ, ໂທລະພາບ, ກ້ອງຖ່າຍຮູບ, ເຄື່ອງສາຍ Projector, ໂຕະຕັ່ງ, ອຸປະກອນກິລາ ແລະ ອຸປະກອນອື່ນໆທີ່ຈຳເປັນລວມມູນຄ່າທັງໝົດ 275,000 ບາດ ແລະ ຕາງໜ້າຮັບມອບໂດຍ ທ່ານ ສົມໝາຍ ຫຼວງເພັດ ອຳນວຍການ ໂຮງຮຽນມັດທະຍົມສົມບູນຫົວຊຽງ, ພ້ອມດ້ວຍຄະນະແລະອຳນາດການປົກຄອງບ້ານ ອ້ອມຂ້າງເຂົ້າຮ່ວມເປັນສັກຂີພະຍານ.


ໂຕໂຢຕ້າ ຫວັງເປັນຢ່າງຍິ່ງວ່າ ການມອບອຸປະກອນຄອມພິວເຕີ້ໃນຄັ້ງນີ້ຈະເປັນສ່ວນໜຶ່ງໃນການຊ່ວຍພັດທະນາ ການຮຽນການສອນໃຫ້ກ້າວໜ້າ ເພື່ອຊ່ວຍພັດທະນາປະເທດຊາດໃນອານາຄົດ


ໂຕໂຢຕ້າ ໄປໃສໄປນຳກັນ