ໂຕໂຢຕ້າ ສົ່ງແຮງໃຈຊ່ວຍເຫຼືອ ຜູ້ປະສົບອຸທົກກະໄພຄັ້ງໃຫຍ່ທີ່ແຂວງອັດຕະປື ສປປ ລາວ.

ຈາກເຫດອຸທົກກະໄພຄັ້ງໃຫຍ່ທີ່ແຂວງອັດຕະປື ສປປ ລາວ ເນື່ອງຈາກເຂື່ອນເຊປຽນ ເຊນໍ້ານ້ອຍແຕກ ຊຶ່ງສົ່ງຜົນກະທົບຕໍ່ປະຊາຊົນໃນພື້ນທີ່ຢ່າງຫຼວງຫຼາຍ ບໍລິສັດ ໂຕໂຢຕ້າ ມໍເຕີ້ ປະເທດໄທ ຈໍາກັດ ໄດ້ຄໍານຶງເຖິງຄວາມເດືອດຮ້ອນຂອງປະຊາຊົນທີ່ໄດ້ຮັບຜົນກະທົບເປັນຢ່າງສູງ ຈຶ່ງໄດ້ດໍາເນີນການເລັ່ງເຂົ້າຊ່ວຍເຫຼືອເບື້ອງຕົ້ນ ໂດຍປະສານງານຄວາມຮ່ວມມືກັບທາງການ ສປປ ລາວ ແລະ ຜູ້ແທນຈໍາໜ່າຍໂຕໂຢຕ້າຢ່າງເປັນທາງການໃນ ສປປ ລາວ ລວມທັງຜູ້ແທນຈໍາໜ່າຍໂຕໂຢຕ້າ ໃນປະເທດໄທ ເພື່ອໃຫ້ຄວາມຊ່ວຍເຫຼືອຢ່າງເລັ່ງດ່ວນ.

ເບື້ອງຕົ້ນ ເມື່ອວັນທີ 25 ກໍລະກົດ 2561 ບໍລິສັດ ໂຕໂຢຕ້າ ມໍເຕີ້ ໄດ້ເຂົ້າຮ່ວມມອບເງິນຊ່ວຍເຫຼືອ ມູນຄ່າ 100,000 ບາດ ຜ່ານທາງສະຖານທູດໄທໃນວຽງຈັນ ແລະ ໃນວັນທີ 31 ກໍລະກົດ 2561 ທ່ານ ຈັກກະລ��ນ ຊົນນະທີທອນ ຮອງປະທານຝ່າຍປະຕິບັດການ ສໍານັກງານເຂດພູມີພາກແມ່ນໍ້າຂອງ ໃນຖານະຕົວແທນ ບໍລິສັດ ໂຕໂຢຕ້າ ມໍເຕີ້ ປະເທດໄທ ແລະ ກຸ່ມຜູ້ແທນຈໍາໜ່າຍໃນປະເທດໄທ ໄດ້ຮັບມອບໝາຍໃຫ້ນໍາເຂົ້າສານລາດຊະມົງຄຸນຈໍານວນ 5 ຕັນ, ເສື້ອ 2,000 ໂຕ ແລະ ເຄື່ອງໃຊ້ອຸປະໂພກ ແລະ ບໍລິໂພກອື່ນໆທີ່ຈໍາເປັນ ພ້ອມມອບເງິນຊ່ວຍເຫຼືອ ເປັນຈໍານວນ 232,000 ບາດ ລວມມູນຄ່າທັງໝົດ 1,100,000 ບາດ ໂດຍໄດ້ມອບໃຫ້ກັບ ທ່ານພອນສະໄໝ ພຽງລາວັນ ຮອງເຈົ້າແຂວງອັດຕະປື, ທ່ານນາງ ມີນາພອນ ໄຊຊົມພູ ຮອງເຈົ້າແຂວງອັດຕະປື, ທ່ານ ບຸນທະມາລີ ມິນີນົງ ຜູ້ອໍານວຍການຝ່າຍການເງິນ.

ໃນນາມຂອງຄອບຄົວໂຕໂຢຕ້າ ເຮົາຫວັງເປັນຢ່າງຍິ່ງວ່າການສົ່ງຄວາມຊ່ວຍເຫຼືອໄປໃນພື້ນທີ່ປະສົບໄພໃນຄັ້ງນີ້ ຈະເປັນສ່ວນໜຶ່ງທີ່ຊ່ວຍບັນເທົາຄວາມເດືອດຮ້ອນ ແລະ ຂໍສົ່ງກໍາລັງໃຈໃຫ້ແກ່ຜູ້ປະສົບໄພໃຫ້ສາມາດຜ່ານເຫດການຄັ້ງນີ້ໄປໄດ້ ແລະ ຟື້ນຟູເຂົ້າສູ່ສະຖານະການປົກກະຕິໂດຍໄວ.
ໂຕໂຢຕ້າ ໄປໃສໄປນໍາກັນ.