Toyota Laos

Lanxang United FC ແຊມຈາກລາຍການລາວ ພີເມຍລີກ

ເປັນຕົວແທນ ສປປ ລາວ ຮ່ວມແຂ່ງຂັນ ໃນລາຍການ “ ໂຕໂຍຕ້າ ແມ່ຂອງ ຄັບ ແຊມປ້ຽນຊິບ 2016” 5 ປະເທດ ທີ່ເຂົ້າຮ່ວມຊິງຕໍ່າແໜ່ງແຊມ ໄດ້ແກ່ລາວ ກໍາປູເຈຍ ພະມ້າ ໄທ ແລະ ຫວຽດນາມ

5 ປະເທດ ທີ່ເຂົ້າຮ່ວມຊິງຕໍ່າແໜ່ງແຊມ ໄດ້ແກ່ລາວ ກໍາປູເຈຍ ພະມ້າ ໄທ ແລະ ຫວຽດນາມ

ໂຕ​ໂຍ​ຕ້າ​ ມໍ​ເຕີ້ ປະ​ເທດ​ໄທ ມີຄວາມຍິນດີຂໍແຈ້ງໃຫ້ຊາບວ່າ Lanexang Untied FC ​ ​ຈະເປັນຕົວແທນ ສປປ ລາວ ໃນການແຂ່ງຂັນເຕະບານໃນລາຍການ  “ໂຕ​ໂຍ​ຕ້າ ​ແມ່​ຂອງ     ຄ​ລັບ ​ແຊມ​ປ້ຽນ​ຊິບ 2016”  ສືບເນື່ອງຈາກທີ່ສະໂມສອນດັ່ງກ່າວໄດ້ຕໍ່າແໜ່ງແຊມຈາກລາຍການລາວ ພີເມຍລີກ ເຊິ່ງມີທີມຊັ້ນນໍາເຂົ້າຮ່ວມແຂ່ງຂັນທັງໝົດ 14 ທີມ

ບໍລິສັດ ໂຕ​ໂຍຕ້າ ​ມໍ​ເຕີ້ ປະເທດໄທ ຈຳກັດ ໄດ້ມອບເງິນສະໜັບສະໜູນ ຈໍານວນ 10.000.000 ກີບໃຫ້ກັບ Lanexang United FC ໃນຖານະທີ່ເປັນ​ຕົວ​ແທນຂອງ​ປະ​ເທດ​ລາວ ເຂົ້າ​ຮ່ວມ​ໃນ​ການ​ແຂ່ງ​ຂັນ​ຊິງ​ແຊ້ມ​​ ໂຕ​ໂຍ​ຕ້າ ​ແມ່​ຂອງ ຄ​ລັບ ​ແຊມ​ປ້ຽນ​ຊິບ 2015.ແລະ ພິທີມອບຮັບດັ່ງກ່າວ ໄດ້​ຈັດ​ຂຶ້ນ​ໃນ​ວັນ​ທີ 5 ຕຸ​ລາ 2016

“ຂໍສະແດງຄວາມຍິນດີກັບ Lanexang United FC ໂຕໂຍຕ້າ ເຮົາຮູ້ສຶກຍິນດີເປັນຢ່າງຍິ່ງທີ່ Lao Toyota FC ໄດ້ເປັນໂຕແທນ ສປປ ລາວ ເຂົ້າຮ່ວມການແຂ່ງຂັນເຕະບານໃນລາຍການ ໂຕໂຍຕ້າ ແມ່ຂອງ ຄັບ ແຊມປ້ຽນຊິບ ໃນປີນີ້ ເ��ົາຫວັງຈະໄດ້ເຫັນຟອມການຫຼິ້ນທີ່ດີທີ່ສຸດ ໃນລາ��ການໂຕໂຍຕ້າ ແມ່ຂອງ ຄັບ ແຊມປ້ຽນຊິບ 2016” ທ່ານ ສະຫະຊາດ ກັງສະສິທຽມ, ຜູ້ອຳນວຍການປະຈຳ ຫ້ອງການຜູ້ຕາງຫນ້າ ບໍລິສັດ ໂຕ​ໂຍຕ້າ ​ມໍ​ເຕີ້ ປະເທດໄທ ຈຳກັດ​, ກ່າວ “ໂຕໂຍຕ້າໃຫ້ການສະໜັບສະໜູນແກ່ນັກກິລາເຫຼົ່ານີ້ ແລະ ມຸ່ງໝັ່ນທີ່ຈະອຸປະຖຳດູແລພວກເຂົາຜ່ານໂຄງການໂຕໂຍຕ້າ ແມ່ຂອງເຕະບານ ໂປເຈັກ (Toyota Mekong Football Project) ແລະ ໃນໂອກາດທີ່ປີນີ້ເປັນປີທີ 3 ຂອງການຈັດການແຂ່ງຂັນລາຍການໂຕໂຍຕ້າ ແມ່ຂອງ ຄັບ ແຊມປ້ຽນຊິບ ເຮົາຄາດຫວັງວ່າຈະມີຜູ້ເຂົ້າຊົມຈາກ ສປປ ລາວ ຫຼາຍຂຶ້ນ”

ການ​ແຂ່ງ​ຂັນຮອບ​ທຳ​ອິດ​ຂອງ ​ ​ ໂຕ​ໂຍ​ຕ້າ​ ແມ່​ຂອງ ຄ​ລັບ ​ແຊ້ມ​ປ້ຽນ​ຊິບ 2016 ຈະ​ຈັດ​ຂຶ້ນ​ໃນ​ວັນ​ອາ​ທິດ ​ທີ 5 ພະ​ຈິກ ທີ່ ສະ​ໜາມ​ກິ​ລາ​ເຈົ້າ​ອະ​ນຸ​ວົງ, ນະ​ຄອນຫຼວງວຽງ​ຈັນ, ສ​ປ​ປ ລາວ. ໂດຍການແຂ່ງຂັນຄັ້ງນີ້ Lanexang United FC ຈະພົບທີມ SHB Da Nong FC ເຊິ່ງບັດເຂົ້າ​ຊົມ​ການແຂ່ງຂັນນັດນີ້ ສາມາດຕິດຕໍ່ຮັບໄດ້ທີ່ ຕົວແທນຈຳຫນ່າຍ ໂຕໂຍຕ້າ ຢ່າງເປັນທາງການທົ່ວປະເທດ ແລະ ທີ່ຫ້ອງການຜູ້ຕາງຫນ້າ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ຫລືທີ່ສະຫນາມກິລາດັ່ງກ່າວໃນມື້ແຂ່ງຂັນ.

ສໍາລັບ ນັດທີສອງໃນວັນທີ 27 ທັນວາ ນີ້ ລາວຈະພົບກັບມຽມມາ ທີ່ປະເທດມຽນມາ ຜູ້ຊະນະຈາກການແຂ່ງຂັນຮອບແລກຈະພົບກັບທີມຈາກກໍາປູເຈຍໃນຮອບຮອງຊະນະເລີດ ແລະ ຜູ້ຊະນະຈາກຮອບຮອງຊະນະເລີດພົບກັບທີມຈາກປະເທດໄທໃນນັດຊິງຊະນະເລີດ ເພື່ອຊິງຕຳແໜ່ງຜູ້ຊະນະລາຍການໂຕໂຍຕ້າ ແມ່ຂອງ ຄັບ ແຊມປ້ຽນຊິບ 2016 ເງິນລາງວັນທັງໝົດໃນລາຍການນີ້ສູງຖິງ 173,000 ໂດລາ

ວັດຖຸປະສົງການຈັດໂຄງການໂຕໂຍຕ້າ ແມ່ຂອງ ເຕະບານ ໂປເຈັກ

ໂຕໂຍຕ້າ ແມ່ຂອງ ຄັບ ແຊມປ້ຽນຊິບ ເປັນລາຍການແຂ່ງເຕະບານລະຫວ່າງປະເທດທີ່ຢູ່ໃນເຂດລຸ່ມແມ່ນໍ້າຂອງ ລິເລີ່ມຂຶ້ນໂດຍ ໂຕໂຍຕ້າ ມໍເຕີ້ ເອເຊຍ ປາຊີຟິກ (Toyota Motor Asia Pacific ຫຼື TMAP) ໃນປີ 2014 ພາຍໃຕ້ຊື່ໂຕໂຍຕ້າ ແມ່ຂອງເຕະບານ ໂປເຈັກ (Toyota Mekong Football Project) ໂຄງການດັ່ງກ່າວເກີດຂຶ້ນເພື່ອຮວບຮ່ວມຄວາມມັກໃນກິລາເຕະບານ ແລະ ພະລັງງານດີໆ ທີ່ແວດລ້ອມກິລາປະເພດນີ້ເຂົ້າກັບຄວາມຕັ້ງໃຈຈິງຂອງໂຕໂຍຕ້າໃນການນຳສະເໜີລົດທີ່ “ ດີຍິ່ງກວ່າ” (even better) ໃຫ້ກັບລູກຄ້າ ການນໍາສະເໜີທາງເລືອກທີ່ໝັ້ນຄົງ ແລະ ໜ້າຕື່ນເຕັ້ນໃຫ້ກັບທຸກປະເທດເປັນຄວາມຕັ້ງໃຈຫຼັກ ຂອງໂຕໂຍຕ້າ ມາໂດຍຕະຫຼອດ

ໃນປີນີ້ ເປົ້າໝາຍຂອງເຮົາຄືການເຮັດໄດ້ຫຼາຍກວ່າການນໍາສະເໜີລົດທີ່ດີກວ່າ ແລະ ມຸ່ງໝັ່ນສູ່ການເປັນ “ພາດເນີ້ທີ່ດີທີ່ສຸດ” (Best Partner) ໃຫ້ກັບຊຸມຊົນທ້ອງຖິ່ນໃນກຳປູເຈຍ ລາວ ພະມ້າ ໄທ ແລະ ຫວຽດນາມ ດ້ວຍການເຮັດໃຫ້ກິລາເຕະບານເປັນກິລາທີ່ເຂົ້າເຖິງໄດ້ງ່າຍສໍາລັບນັກເຕະບານ ແລະ ແຟນເຕະບານທຸກໄວ

ໂຕໂຍຕ້າໄດ້ລີເລີ່ມໂຄງການຕ່າງໆ ກວ່າ 200 ໂຄງການ ເພື່ອສ້າງຄວາມເຂັ້ມແຂງໃຫ້ກັບຊຸມຊົນທ້ອງຖິ່ນທັງໃນດ້ານການສຶກສາ ສິ່ງແວດລ້ອມ ຄວາມປອດໄພຕາມທ້ອງຖະໜົນ ສິນລະປະ ແລະ ວັດທະນະທຳ ການເບິ່ງແຍງສຸຂະພາບ ການໃຫ້ບໍລິການຊຸມຊົນ ແລະ ກິລາ ຕົວຢ່າງຂອງໂຄງການທີ່ລິເລີ່ມຂຶ້ນທົ່ວພູມມິພາກ ໄດ້ແກ່ໂຄງການໃຫ້ທຶນການສຶກສາແກ່ນັກຮຽນຕັ້ງແຕ່ລະດັບປະຖົມຈົນເຖິງມັດຖະຍົມປາຍ ໂຄງການຟື້ນຟູປ່າ ເຊິ່ງລວມໄປເຖິງການປູກຕົ້ນໄມ້ຈໍານວນ 3 ລ້ານຕົ້ນໃນພື້ນທີ່ການຜະລິດຂອງໂຕໂຍຕ້າ ພື້ນທີ່ປ່າ ແລະ ໃນສວນສາທາລະນະຕ່າງໆ ໃນສ່ວນຂອງປະເທດໄທ ແລະ ປະເທດຫວຽດນາມເຮົາມີໂຄງການໂຕໂຍຕ້າ ເຕະບານ ຄີນິກ ເຊິ່ງທີ່ຜ່ານມາມີເຍົາວະຊົນເຂົ້າຮ່ວມການຝຶກຝົນທັກສະຕ່າງໆ ໃນກິລາເຕະບານ ຈາກໂຄງການນີ້ຫຼາຍກວ່າ 4,000 ຄົນ ແລະ ນັກກິລາ ທີ່ໂດດເດັ່ນ ຈໍານວນກວ່າ 50 ຄົນ ໄດ້ຮັບໂອກາດໄປຮ່ວມແຂ່ງຂັນເຕະບານກັບທີມເຍົາວະຊົນແຫ່ງສະໂມສອນ ເຕະບານອາຊີບຂອງເຕະບານອາຊີບ ຂອງປະເທດຍີ່ປຸ່ນ

ຫາກຕ້ອງການຂໍ້ມູນເພີ່ມເຕີມ ກະລຸນາເຂົ້ນຊົມເວບໄຊຢ່າງເປັນທາງການຂອງໂຕໂຍຕ້າ ແມ່ຂອງ ເຕະບານ ຕາມທີ່ຢູ່ນີ້