Toyota PC Expo

19 August 2016

ຜູ້ໂຊກດີຈາກໂຄງການ

‘Toyota PC Expo‘ ມະຫະກຳລົດເກັງໂຕໂຍຕ້າ ສະຫຼອງລາຄາໃໝ່ ຖືກໃຈກ່ວາເກົ່າ

ເດີນທາງໄດ້ໄປທ່ອງທ່ຽວຮົງກົງ


ໃນວັນທີ 18 ຫາ 21 ສິງຫາ 2016 ທີ່ຜ່ານມາ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ໄດ້ພາລູກຄ້າຄົນສຳຄັນ ເຊິ່ງເປັນຜູ້ໂຊກດີທີ່ໄດ້ຈອງລົດໂຕໂຍຕ້າແລະໄດ້ຮັບລາງວັນໃນກິດຈະກຳ ‘Toyota PC Expo‘ ມະຫະກຳລົດເກັງໂຕໂຍຕ້າ ສະຫຼອງລາຄາໃໝ່ ຖືກໃຈກ່ວາເກົ່າ ຈຳນວນ 5 ລາງວັນ 10 ຄົນ ເດີນທາງໄປທ່ອງທ່ຽວໃນເສັ້ນທາງ ວຽງຈັນ - ຮົງກົງ (ດິດສະນີ້ແລນ) ເປັນເວລາ4 ມື້ 3 ຄືນ


ໂດຍມື້ທຳອິດ ລູກຄ້າຜູ້ໂຊກດີໄດ້ມ່ວນຊື່ນສະໜຸກສະໜານໄປກັບສວນສະຫນຸກ ຮົງກົງ ດິດສະນີ້ແລນ ແລະຊື້ເຄື່ອງທີ່ Tsim Sha Tsui Ocean Terminal. ສ່ວນມື້ທີສອງໄດ້ເດີນທາງໄປຈຸດຊົມວິວVictoria Peak ຈຸດຊົມວິວທີ່ສາມາດເບີ່ງເຫັນເກາະຮົງກົງໄດ້ທົ່ວທັງເກາະ. ຈາກນັ້ນເດີນທາງໄປເຮັດບຸນໄຫວ້ພະຂໍພອນສີ່ງສັກສິດຂອງຮົງກົງທີ່ວັດແຊກົງໝິວ,  ຕໍ່ຈາກນັ້ນເດີນທາງສູ່ຈຸດຊົມວິວ Avenue of Stars ເຊີ່ງເປັນອີກໜື່ງຈຸດຊົມວິວທີ່ນັກທ່ອງທ່ຽວນິຍົມໄປຖ່າຍຮູບກັບສອງຟາກຝັ່ງແມ່ນ້ຳຮົງກົງ. ພ້ອມກັບໄປຂໍພອນເຈົ້າແມ່ກວນອິມ ແລະ ໃນມື້ທີສາມໄດ້ເດີນທາງໄປເຊີ່ນເຈີ້ນ-ຈູໄຫ່ ເພື່ອເຂົ້າຢ້ຽມຊົມໂຮງງານຫຍົກ, ໂຮງງານຜ້າໄໝ ເພື່ອສືກສາແລະເບີ່ງວິທີການຜະລິດຜ້າໄໝ ແລະ ຄວາມເປັນມາຂອງຫຍົກເມືອງຈີນ ພ້ອມທັງຊື້ຂອງຝາກຂອງທີ່ລະນືກ. ຈາກນັ້ນໄປຜ່ອນຄາຍກັບການນວດເພື່ອສຸຂະພາບຕາມຕຳຫລັບແພດແຜນຈີນ ແລະ ເດີນທາງກັບ ສປປ ລາວ. ໃນວັນທີ 21 ສິງຫາ 2016 ໂດຍສະຫວັດດີພາບ.


ສຸດທ້າຍນີ້ ໂຕໂຍຕ້າ ມີຄວາມຍິນດີ ແລະ ຂໍຂອບໃຈລູກຄ້າທຸກທ່ານທີ່ໃຫ້ການຕອບຮັບ ແລະ ໃຫ້ການສະໜັບສະໜູນຢ່າງດີຕະຫຼອດມາ. ສຳລັບທ່ານທີ່ສົນໃຈເຂົ້າຮ່ວມກິດຈະກຳດີໆຈາກ ໂຕໂຍຕ້າໃນຄັ້ງຕໍ່ໆໄປສາມາດຕິດຕາມໄດ້ທີ່ www.toyota.com.la