ຫລັງຈາກທີ່ປະກາດຜົນລາງວັນຜູ້ຊະນະເລີດໂຄງການປະກວດແຕ້ມຮູບ Toyota Dream Car Art Contest 2018 ໄປແລ້ວໃນເດືອນມີນາທີ່ຜ່ານມາ ທາງ ບໍລິສັດ ໂຕໂຢຕ້າ ມໍເຕີ້ ປະເທດໄທ ຈໍາກັດ ກໍ່ໄດ້ຈັດໃຫ້ມີການເດີນທາງໄປທັດສະນະສຶກສາທີ່ ບາງກອກ (ປະເທດໄທ) ໃຫ້ກັບຜູ້ຊະນະເລີດທັງ 3 ຮຸ່ນປະເພດອາຍຸ ໃນວັນທີ 27-28 ເມສາ ທີ່ຜ່ານມາ ໂດຍທາງໂຕໂຢຕ້າໄດ້ພານ້ອງໆເຍົາວະຊົນ ແລະ ຜູ້ປົກຄອງໄປທ່ຽວສະຖານທີ່ຕ່າງໆເພື່ອເປີດໂລກະທັດໃຫ້ນ້ອງໆໄດ້ເຫັນໂລກກວ້າງ ເສີມສ້າງປະສົບການທາງດ້ານການສຶກສາ ແລະ ສ້າງແຮງບັນດານໃຈໃນການແຕ້ມຮູບຕໍ່ໄປໃນອະນາຄົດ ເຊິ່ງນ້ອງໆໄດ້ເຂົ້າຊົມສວນສັດເປີດຊາຟາລີເວີລ ແລະ ເມືອງຈໍາລອງ Kidzania ທີ່ໄດ້ໃຫ້ນ້ອງໆໄດ້ຈໍາລອງເປັນຜູ້ປະກອບອາຊີບໃນສາຍງານຕ່າງໆຫລາຍໆອາຊີບ. ນອກຈາກນີ້ ນ້ອງໆຍັງໄດ້ຮັບປະທານອາຫານມື້ຄໍ່າສຸດພິເສດຮ່ວມກັບຜູ້ບໍລິຫານ ບໍລິສັດ ໂຕໂຢຕ້າ ມໍເຕີ້ ປະເທດໄທ ຈໍາກັດ ອີກດ້ວຍ