ຄາ​ລາ​ວານ “ Toyota Always With You” ພິສູດປະສິດທິພາບ​ຂອງ Hilux Revo ​ເດີນທາງ​ຜ່ານ 5 ປະ​ເທດ ​ໄດ້​ແກ່​ປະ​ເທດ​ໄທ, ມຽນມາ, ກຳປູ​ເຈຍ, ຫວຽດນາ​ມ ​ແລະ ລາວ. ​ເປັນ​ໄລຍະ​ທາງທັງ​ໝົດ 9,262 ກມ.


ຄະນະ​ຄາ​ລາ​ວານ ​ເລີ່​ມ​ເດີນທາງ​ຕັ້ງ​ແຕ່​ວັນ​ທີ 1 ກຸມພາ 2017 ທີ່​ປະ​ເທດ​ໄທ ​ເດີນທາງ​ຂື້ນ​ທາງ​ເໜືອຜ່ານ​ແມ່​ສອດ ​ເຂົ້າ​ສູ່​ຢາງ​ກຸ້ງ ປະ​ເທດມຽນມາ ຈາກ​ນັ້ນ​ກັບ​ເຂົ້າ​ສູ່​ປະ​ເທດ​ໄທ​ອີກ​ຄັ້ງ ​ເພື່ອ​ເດີນທາງ​​ໄປ​ຕໍ່​ທີ່​ສຽມ​ລຽບ ພະນົມ​ເປັນ ປະ​ເທດ​ກຳປູ​ເຈຍ  ​ແລະ ເມື່ອອາທິດທີ່ຜ່ານມາ ຄະນະຄາລາວານໃຊ້ເວລາເດີນທາງຈາກ ໂຮຈີມິນເຖິງຮ່າໂນຍ ເປັນເວລາ 8 ວັນ ແລະ ໄດ້ເຂົ້າສູ່ແຂວງ ອຸດົມໄຊ, ແຂວງຫຼວງພະບາງ ໃນວັນທີ 14 ມີນາ 2017 ເດີນທາງທ່ຽວຊົມທິວ​ທັດ ແລະ ຄວາມສວຍງາມຂອງເມືອງມໍລະດົກໂລກ ແລະ ເຖິງນະຄອນຫຼວງວຽງຈັນ ວັນທີ 16 ມີນາ 2017 ທີ່ຜ່ານມາ, ເຊິ່ງໄດ້ຮັບການຕ້ອນຮັບຈາກຜູ້ບໍລິຫານ ແລະ ທີມງານບໍລິສັດ ໂຕໂຍຕ້າ ຢ່າງເປັນທາງການໃນ ສປປ.ລາວ ແລະ ສື່ມວນຊົນຢ່າງອົບອຸ່ນ ບໍລິເວນເດີ່ນໜ້າພະທາດຫຼວງ ນະຄອນຫຼວງວຽງຈັນ.


ຈາກການເດີນທາງກວ່າ 45 ວັນ ຜ່ານ 5 ປະ​ເທດ ສາມາດ​ເປັນ​​ເຄື່ອງ​ພິສູດ​ໃຈ​ໄດ້​ວ່າ Hilux Revo ນັ້ນ​ມີ​ຄວາມ​ສາມາດ​ທີ່​ດີທີ່​ສຸດ ​ສາມາດ​ໃຊ້​ງານ​ໄດ້​ດີ​ໃນ​ທຸກ​ສະພາບ​ຖະໜົນ ທ່ານ​ສາມາດ​ສຳ​ພັດ​ປະສົບ​ການ ການ​ຂັບ​ຂີ່​ໄດ້​ດ້ວຍ​ຕົວ​ທ່ານ​ເອງ​ທີ່​ຕົວ​ແທນ​ຈຳໜ່າຍ​ໂຕ​ໂຍຕ້າ​ຢ່າງ​ເປັນ​ທາງ​ການ​ທົ່ວ​ປະ​ເທດ ​ແລະ ສຳ​ພັດ​ປະສົບ​ການ ການ​ເນ​ທາງ​ຄັ້ງ​ນີ້​ໄດ້​ດ້ວຍ​ຕົວ​ທ່ານ​ເອງ​ທີ່ https: //www.facebook.com/toyotaalwayswithyou/ ແລະ www.toyota.com.la