ໃນວັນທີ 18 ເຖິງ 21 ເດືອນມີນາ ປີ 2016 ທີ່ຜ່ານມາ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ໄດ້ຈັດກິດຈະກຳຄາຣາວານເພື່ອສົ່ງເສີມຄວາມສຳພັນລະຫວ່າງລູກຄ້າ "REVO Go Together Caravan"  ມ່ວນຊື່ນໄປກັບຂະບວນຄາຣາວານສັນຈອນ ພ້ອມຮຽນຮູ້ເຕັກນິກການຂັບຂີ່ລົດ ຕາມເສັ້ນທາງ ປະເທດລາວ ຫາ ປະເທດກຳປູເຈ້ຍ   (ປາກເຊຫ-ສຽມລຽບ) ເພື່ອເປັນການຂອບໃຈ ແລະ ສ້າງຄວາມສຳພັນອັນດີລະຫວ່າງລູກຄ້າກັບໂຕໂຍຕ້າ ແລະ ຕົວແທນຈຳໜ່າຍໂຕໂຍຕ້າຢ່າງເປັນທາງການທົ່ວປະເທດ

ທ່ານ ຈັກກຣີນ ຊົນນະທີທອນ ຜູ້ອໍານວຍການຝ່າຍການຕະຫຼາດ ສາຍງານຍ່ອຍພູມມິພາກແມ່ນ້ໍາຂອງ ບໍລິສັດ ໂຕໂຍຕ້າ ມໍເຕີ ປະເທດໄທ ຈຳກັດ  

ໄດ້ກ່າວເຖິງຈຸດປະສົງຂອງກິດຈະກໍານີ້ວ່າ "R​​EVO Go TogetherCaravan" ເປັນກິດຈະກຳທີ່ຈັດຂຶ້ນເພື່ອເປັນການຂອບໃຈທຸກທ່ານ ທີ່ໄດ້ໃຫ້ຄວາມໄວ້ວາງໃຈໃນລົດໂຕໂຍຕ້າທຸກລຸ້ນ ລວມເຖິງການສ້າງຄວາມສໍາພັນທີ່ດີລະຫວ່າງລູກຄ້າກັບລົດໂຕໂຍຕ້າ ແລະ ຕົວແທນຈໍາໜ່າຍ ໂຕໂຍຕ້າ ຢ່າງເປັນທາງການ ຕາມຄຳຂວັນ ໄປໃສໄປນຳກັນ ທີ່ ໂຕໂຍຕ້າ ຈະຢູ່ຄຽງຂ້າງລູກຄ້າໃນ ສປປ ລາວ ແລະ ໄປນຳກັນທຸກຫົນທຸກແຫ່ງ

ສໍາລັບກິດຈະກຳຄາຣາວານຄັ້ງນີ້ ມີຜູ້ສະຫມັກເຂົ້າຮ່ວມເຖິງ 211 ຄົນ ແລະ ເປັນຈໍານວນລົດທັງໝົດ 56 ຄັນ ນອກຈາກການໄດ້ທ່ອງທ່ຽວແລ້ວ ລູກຄ້າຍັງໄດ້ຮັບຄວາມມ່ວນຊື່ນກັບມິດຕະພາບໃໝ່ໆ ລວມເຖິງຄວາມຮູ້ໃນການຂັບຂີ່ຢ່າງປອດໄພຈາກຜູ້ຊ່ຽວຊານ ຕະຫຼອດໄລຍະທາງ 900 ກວ່າກິໂລແມັດ ນອກຈາກນີ້ຜູ້ຮ່ວມຄາຣາວານຍັງໄດ້ພົບກັບການທົດສອບ Hilux Revo ໃໝ່ ທີ່ທາງໂຕໂຍຕ້າ ໄດ້ຈັດກຽມໄວ້ໃຫ້ກັບລູກຄ້າ ໄດ້ທົດລອງຂັບ ແລະ ສຳພັດກັບລົດ Hilux Revo  ໃໝ່ຢ່າງໃກ້ຊິດອີກດ້ວຍ"

ຫຼັງຈາກຈຸດພັກລົດທໍາອິດທີ່ນ້ໍາຕົກຄອນພະເພັງ ຜູ້ຮ່ວມຄາຣາວານຍັງໄດ້ໄປທ່ຽວໃນສະຖານທີ່ທາງປະຫວັດສາດຕ່າງໆໃນປະເທດກຳປູເຈ້ຍເຊັ່ນ: ຕົງເລສາບ, ບັນທາຍສິລີ,ຕາພົມ, ບາຢົນ,ນະຄອນວັດ---ນະຄອນທົມ ນອກຈາກນີ້ຍັງໄດ້ໄປຢ້ຽມຊົມ Toyota Cambodia Co., Ltd. ເຊິ່ງເປັນຜູ້ນຳເຂົ້າ ແລະ ເປັນຕົວແທນຈຳໜ່າຍລົດໂຕໂຍຕ້າຢ່າງເປັນທາງການປະຈຳປະເທດກຳປູເຈ້ຍ ໂດຍມີ ທ່ານ Yosuke Suzuki, General Manager, Toyota Cambodia Co., Ltd. ເປັນຕົວແທນໃນການກ່າວຕ້ອນຮັບຄະນະຄາຣາວານ

ໃນຄ່ຳຄືນສຸດທ້າຍກັບກິດຈະກຳ "REVO Go Together Caravan" ຜູ້ຮ່ວມຄາຣາວານ ທຸກທ່ານໄດ້ຮັບປະທານອາຫານຄ່ຳຮ່ວມກັນ ແລະ ມ່ວນຊື່ນໄປກັບ ງານລ້ຽງອາຫານຄ່ຳ ທີ່ທາງ ໂຕໂຍຕ້າໄດ້ຈັດກຽມ ກິດຈະກຳ ແລະ ເກມຕ່າງໆ ໄວ້ໃຫ້ຮ່ວມມ່ວນຊື່ນ ແລະຖ່າຍຮູບຮ່ວມກັນກ່ອນເດີນທາງກັບ ໂດຍມີ ທ່ານ ວິຊຽນ ເອມປະເສີດສຸກ ປະທານບໍລິຫານ ສຳນັກງານເຂດພູມມິພາກແມ່ນ້ຳຂອງ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ໄດ້ກ່າວປິດພິທີ ດ້ວຍການຂອບໃຈລູກຄ້າທຸກທ່ານຢ່າງເປັນທາງການອີກຄັ້ງທີ່ໃຫ້ໂອກາດໂຕໂຍຕ້າໄດ້ດູແລຮັບໃຊ້ ແລະກິດຈະກຳໃນຄັ້ງນີ້ຈະເກີດຂຶ້ນບໍ່ໄດ້ ຖ້າບໍ່ໄດ້ຮັບການຕອບຮັບແລະການສະໜັບສະໜູນເປັນຢ່າງດີຈາກລູກຄ້າທຸກທ່ານ ທ່ານທີ່ສົນໃຈເຂົ້າຮ່ວມກິດຈະກຳດີໆຈາກ ໂຕໂຍຕ້າ ໃນຄັ້ງຕໍ່ໄປ ສາມາດຕິດຕາມໄດ້ທີ່  www.toyota.com.la