ທ່ານວິຊຽນ ເອມປະເສີດສຸກ ປະທານບໍລິຫານ ແລະ ທ່ານ ປະກອນ ວົງວິທະຍາລົມ ປະທານປະຕິບັດການສໍານັກງານເຂດພູມີພາກແມ່ນໍ້າຂອງ ບໍລິສັດໂຕໂຢຕ້າ ມໍເຕີ້ ປະເທດໄທ ຈຳກັດ ຮ່ວມຖະແຫຼງຂ່າວ ແນະນຳລົດລຸ້ນໃໝ່ຫຼ້າສຸດ "ALL NEW VIOS” ແລະ ລົດເກັງຂະໜາດກາງສຸດຫຼູ Camry ລຸ້ນປັບປຸງໃໝ່ ໃນວັນທີ 18 ຕຸລາ 2017 ທີ່ຜ່ານມາທີ່ໂຮງແຮມຄາວພຣາຊ້າ ນະຄອນຫຼວງວຽງຈັນ.


ບໍລິສັດ ໂຕໂຢຕ້າ ມໍເຕີ້ ປະເທດໄທ ຈຳກັດ ໄດ້ຈັດກິດຈະກຳແນະນຳລົດລຸ້ນ ໃໝ່ ຫຼ້າສຸດກັບ “ALL NEW VIOS ເລີ່ມຕົ້ນຄວາມສຸກໃຫ້ຊີວິດທັນສະໄໝ” ທີ່ມາພ້ອມກັບການອອກແບບໃໝ່ທັງໝົດຄັນ ພາຍນອກສະປອດງົດງາມ ພາຍໃນງາມສະດຸດຕາ ກວ້າງຂວາງສະດວກສະບາຍ ລວມເຖິງສະມັດຖະພາບ ການຂັບຂີ່ທີ່ສະດວກ ພ້ອມເຄື່ອງຈັກທີ່ເປັນມິດກັບສິ່ງແວດລ້ອມ ປະຢັດນ້ຳມັນ ແລະ ທີ່ສຳຄັນຄືເພີ່ມຄວາມໝັ້ນໃຈໃນການຂັບຂີ່ ດ້ວຍລະບົບຄວາມປອດໄພມາດຕະຖານທີ່ດີກວ່າລົດລະດັບດຽວກັນ ລູກຄ້າທີ່ສົນໃຈຈອງຫຼືຊື້ All New VIOS ຮັບທັນທີເສື້ອກັນລົມ VIOS Limited Edition ແລະ ສາມາດທົດລອງຂັບພ້ອມຮັບເຄື່ອງທີ່ລະນຶກ ກະເປົາຜ້າ Gym Sack All New VIOS ໄດ້ ມື້ນີ້ ທີ່ຕົວແທນຈຳໜ່າຍໂຕໂຢຕ້າທົ່ວປະເທດ.


ນອກຈາກນີ້ ບໍລິສັດ ໂຕໂຢຕ້າ ມໍເຕີ້ ປະເທດໄທ ຈຳກັດ ຍັງໄດ້ແນະນຳລົດເກັງຂະໜາດກາງສຸດຫຼູ Camry ລຸ້ນປັບປຸງໃໝ່ ຊຶ່ງເປັນລົດຊີດານຂະໜາດກາງ ທີ່ມາພ້ອມຄວາມສົມບູນແບບ ສະທ້ອນຄວາມເປັນຜູ້ນຳໄດ້ຢ່າງໂດດເດັ່ນ ສະດວກສະບາຍ ດ້ວຍອຸປະກອນອຳນວຍຄວາມສະດວກຄົບຖ້ວນ ພ້ອມລະບົບຄວາມປອດໄພ ມາດຕະຖານລະດັບສາກົນ. ສຳຜັດ Camry ລຸ້ນປັບປຸງໃໝ່ໄດ້ ມື້ນີ້ ທີ່ຕົວແທນຈຳໜ່າຍໂຕໂຢຕ້າ ທົ່ວປະເທດ.