ໂຕໂຍຕ້າຟໍຈຸນເນີ້ໃໝ່ ຕຳນານບົດໃໝ່ແຫ່ງຄວາມພາກພູມ

ທ່ານ ວິຊຽນ ເອມປະເສີດສຸກ ປະທານບໍລິຫານ ແລະ ທ່ານ ປະກອນ ວົງວິດທະຍາພິລົມ ປະທານຝ່າຍປະຕິບັດການ ສຳນັກງານເຂດພູມມິພາກແມ່ນ້ຳຂອງ ບໍລິສັດໂຕໂຍຕ້າ ມໍເຕີ້ ປະເທດໄທ ຈຳກັດ ພ້ອມດ້ວຍຜູ້ບໍລິຫານລະດັບສູງ ຈາກບໍລິສັດໂຕໂຍຕ້າມໍເຕີ້ປະເທດໄທ ຈຳກັດ ແລະຕົວແທນຈຳໜ່າຍໂຕໂຍຕ້າຢ່າງເປັນທາງການ ຮ່ວມຖະແຫລ່ງຂ່າວແນະນຳລົດອະເນກປະສົງລຸ້ນໃໝ່ລ້າສຸດ “All New Fortuner…New legend of the pride” ເມື່ອວັນທີ 25 ມີນາ 2016 ທີ່ຜ່ານມານີ້ ທີ່ຮ້ານອາຫານມິກສ ນະຄອນຫລວງວຽງຈັນ ສປປ.ລາວ

ລົດຍົນໂຕໂຍຕ້າ ຟໍຈູນເນີ້ ຍົນຕະກຳແຫ່ງຄວາມພາກພູມ ເລີ້ມແນະນຳລຸ້ນທີ 1 ໃນປີ 2005 ພາຍໃຕ້ໂຄງການ “IMV: Innovation International Multi-Purpose Vehicle” ແລະສາມາດສ້າງປະກົດການ ເປັນຜູ້ນຳຕະຫລາດອະເນກປະສົງປະເພດ SUV ດ້ວຍຊື່ສຽງອັນເປັນທີ່ຍອມຮັບຄຸນນະພາບການຜະລິດມາດຕະຖານລະດັບໂລກ ສະມັດຖະນະການຂັບຂີ່ປະຫຢັດນ້ຳມັນ ປະໂຫຍດໃຊ້ສ້ອຍແລະຄຸ້ມຄ່າ ທັງຍັງມີຮູບລັກສະນະທີ່ໂສບສ່ຽວ ຈົນສາມາດຄອບຄອງໃຈລູກຄ້າທົ່ວໂລກ ລວມເຖິງຊາວ     ສປປ.ລາວ ໄດ້ຢ່າງເຕັມພາກພູມ

ທ່ານ ປະກອນ ວົງວິດທະຍາພິລົມ ກ່າວວ່ານັບຕັ້ງແຕ່ການແນະນຳລົດອະເນກປະສົງ ໂຕໂຍຕ້າ ຟໍຈູນເນີ້ ລຸ້ນທີ 1 ໃນປີ 2005 ໂຕໂຍຕ້າ ຟໍຈູນເນີ້ ປະສົບຄວາມສຳເລັດເປັນຢ່າງສູງ ຄອງຕຳແໜ່ງຜູ້ນຳຕະຫລາດໃນຫລາຍປະເທດທົ່ວໂລກ ໂດຍມີຍອດຂາຍກວ່າ 9ແສນຄັນ ແລະຢືນຢັນດ້ວຍລາງວັນດ້ານຄຸນນະພາບຫລາກຫລາຍທັງ ລາງວັນ ເຈ.ດີພາວເວີ້ ເອເຊຍ ປາຊີຟິກ (JD Power) ລາງວັນທຸລະກິດຍານຍົນຍອດນິຍົມແຫ່ງປີ (Car of the year)

ແລະໃນມື້ນີ້ ໂຕໂຍຕ້າ ມີຄວາມຍິນດີທີ່ຈະແນະນຳ ໂຕໂຍຕ້າ ຟໍຈູນເນີ້ ລຸ້ນທີ 2 ໃໝ່ລ່າສຸດທີ່ໄດ້ຮັບການພັດທະນາໃຫ້ເປັນຍົນຕະກຳທີ່ເໜືອຊັ້ນກວ່າທຸກຂໍ້ຈຳກັດແຫ່ງການຂັບຂີ່ ພ້ອມຕອບສະໜອງຄວາມຕ້ອງການຂອງລູກຄ້າໄດ້ຢ່າງເໜືອຄວາມຄາດໝາຍ ແລະສ້າງຄວາມພາກພູມໃຈໃນການເປັນເຈົ້າຂອງກັບຄວາມເໜືອລະດັບຢ່າງແທ້ຈິງ

ທີມວິທະຍາກອນໂຕໂຍຕ້າໄດ້ສ້າງສັນ All New Fortuner ດ້ວຍແຮງບັນດານໃຈໃນການອອກແບບ ແລະພັດທະນາພາຍໃຕ້ແນວຄິດ “ຍົນຕະກຳອະເນກປະສົງໂຕຈິງ ດ້ວຍຮູບລັກສະນະໃໝ່ ພ້ອມຄວາມໝັ້ນໃຈໃນທຸກການຂັບຂີ່ (The True SUV with Style & Confidence) ເພື່ອໃຫ້ All New Fortuner ເປັນອີກໜຶ່ງໃນລົດຍົນນິຍາມໃໝ່ຂອງຄວາມແຂງແກ່ນ ດ້ວຍການຂະຫຍາຍເຟຣມໃຫ້ໃຫຍ່ຂຶ້ນ ທີ່ສາມາດໃຫ້ຄວາມນຸ້ມນວນ ໝັ້ນຄົງ ຕອບສະໜອງການຂັບຂີ່ໃນທຸກສະພາບຖະໜົນ ລວມເຖິງ ກຳນົດນິຍາມໃໝ່ແຫ່ງ ການອອກແບບ  ດ້ວຍການອອກແບບທີ່ຫລູຫລາ  ລ້ຳສະໄໝທັງພາຍໃນ ແລະພາຍນອກ ໂດຍສະເພາະ 3ເສັ້ນສາຍແຫ່ງການອອກແບບ (3 Iconic lines) ອັນເປັນເອກະລັກແຫ່ງຄວາມພາກພູມຂອງຟໍຈູນເນີ້ໃໝ່ ພ້ອມເພີ້ມຄວາມສົມບູນແບບດ້ວຍເທັກໂນໂລຢີຄວາມປອດໄພໃໝ່ ມາດຕະຖານລະດັບໂລກ ສ້າງຄວາມໝັ້ນໃຈແຫ່ງຄວາມປອດໄພຂອງຊີວິດທີ່ເໜືອລະດັບ

ເໜືອນິຍາມແຫ່ງສັກສີ

All New Fortuner … New legend of the pride

ຍົນຕະກຳອະເນກປະສົງໂຕຈິງ ດ້ວຍຮູບລັກສະນະໃໝ່ ພ້ອມຄວາມໝັ້ນໃຈໃນທຸກການຂັບຂີ່ ທີ່ໄດ້ຮັບການພັດທະນາ ເພື່ອສ້າງມາດຕະຖານໃໝ່ໃຫ້ກັບຕະຫລາດລົດຍົນອະເນກປະສົງທົ່ວໂລກດ້ວຍຈຸດເດັ່ນ 4ຈຸດຫລັກດັ່ງນີ້ :

·         NEW LEGEND OF DESIGN - ນິຍາມໃໝ່ແຫ່ງການອອກແບບ ຂອງລົດອະເນກປະສົງແຫ່ງອະນາຄົດກັບຮູບລັກແຫ່ງຄວາມແຂງແກ່ນ ດຸເດືອດແລະຊົງພະລັງ ແຕ່ເຕັມປ່ຽມໄປດ້ວຍອາລົມກັບເສັ້ນສາຍທີ່ໂສບສ່ຽວທັງພາຍໃນ ແລະພາຍນອກ

·         NEW LEGEND OF UTILITY - ນິຍາມແຫ່ງການໃຊ້ຊີວິດ ດ້ວຍຫ້ອງໂດຍສານຂະໜາດໃຫຍ່ ໂອ່ງໂຖງ ກວ້າງສະບາຍ ພຽບພ້ອມດ້ວຍອຸປະກອນອຳນວຍຄວາມສະດວກເໜືອລະດັບ  ສູ່ຂີດສຸດແຫ່ງສູນທະລີຍະພາບແຫ່ງການຂັບຂີ່ທີ່ສົມບູນແບບ

·         NEW LEGEND OF PERFORMANCE - ນິຍາມໃໝ່ແຫ່ງສະມັດຖະນະການຂັບຂີ່   ປະຫຢັດນ້ຳມັນເປັນເລີດ ເຄື່ອງຈັກເຮັດວຽກດີ ໄອເສຍຕ່ຳເປັນມິດຕໍ່ສິ່ງແວດລ້ອມ ປະສານກັບລະບົບເກຍອັດຕະໂນມັດ 5ສະປີດ ເພີ້ມສະມັດຖະນະການຂັບຂີ່ໄດ້ຢ່າງເໜືອຊັ້ນ

·         NEW LEGEND OF SAFETY - ນິຍາມໃໝ່ແຫ່ງຄວາມປອດໄພເໜືອລະດັບ ສ້າງຄວາມອຸ່ນໃຈໃນການຂັບຂີ່ ພຽບພ້ອມໄປດ້ວຍເທັກໂນໂລຢີຄວາມປອດໄພມາດຕະຖານລະດັບໂລກ ທັງແບບປົກປ້ອງ ແລະແບບປ້ອງກັນ

 

All New Fortuner ເປັນລົດຍົນອະເນກປະສົງທີ່ຖືກພັດທະນາເພື່ອສ້າງມາດຕະຖານໃໝ່ໃຫ້ກັບຕະຫລາດລົດຍົນອະເນກປະສົງທົ່ວໂລກ ຜ່ານຈຸດຂາຍຫລັກທັງ 4ຈຸດ ຈຶ່ງເປັນທີ່ມາຂອງການສື່ສານທາງການຕະຫລາດ ພາຍໃຕ້ສະໂລແກນ ຕຳນານໃໝ່ແຫ່ງຄວາມພາກພູມ   – “New legend of the pride” ໂດຍໃຊ້ກົນລະຍຸດທາງການຕະຫລາດທີ່ມຸ້ງເນັ້ນໃຫ້ເກີດການຮັບຮູ້ດ້ວຍແຜນການປະຊາສຳພັນ ລວມທັງການເນັ້ນໃຫ້ລູກຄ້າໄດ້ປະສົບການຈາກການຂັບຂີ່ ຜ່ານກິດຈະກຳທົດລອງຂັບທີ່ ຕົວແທນຈຳໜ່າຍຢ່າງເປັນທາງການທົ່ວປະເທດ ພ້ອມຮັບຟຣີ ເສື້ອຢືດ ຟໍຈູນເນີ້

All New Fortuner ມີສີໃຫ້ເລືອກທັງໝົດ 8ສີ ໂດຍເປັນສີໃໝ່ດ້ວຍກັນ 2ສີ ໄດ້ແກ່:​ ສີນ້ຳຕານ Phantom Brown ແລະສີຟ້າ Nebula Blue ດ້ວຍລາຄາເລີ້ມຕົ້ນພຽງ 53,400USD

ສອບຖາມລາຍລະອຽດ ແລະສັ່ງຈອງໄດ້ທີ່ສູນຈຳໜ່າຍໂຕໂຍຕ້າຢ່າງເປັນທາງການທັງ 8ແຫ່ງທົ່ວປະເທດ ຕັ້ງແຕ່ມື້ນີ້ເປັນຕົ້ນໄປ .