13 ພະຈິກ 2017 – ໂຕໂຢຕ້າ ມໍເຕີ້ ເອເຊຍ ປາຊີຟິກ (Toyota Motor Asia Pacific Pte Ltd ຫລື TMAP) ຖະແຫລງຂ່າວຈັດການແຂ່ງຂັນບານເຕະ ໂຕໂຢຕ້າ ແມ່ຂອງ ຄັບ ແຊມປຽນຊິບ (Toyota Mekong Club Championship ຫລື TMCC) ເປັນປີທີ 4


ໂຕໂຢຕ້າ ຮ່ວມກັບ ສາມາຄົມບານເຕະ ຈາກປະເທດກຳປູເຈຍ, ລາວ, ໄທ ແລະ ຫວຽດນາມ ຖະແຫລງຂ່າວການຈັດການແຂ່ງຂັນບານເຕະ ໂຕໂຢຕ້າ ແມ່ຂອງຄັບ ແຊ້ມປ້ຽນຊິບ (TMCC) ຊຶ່ງຈະມີຂຶ້ນຕັ້ງແຕ່ວັນທີ 9 ທັນວາ 2017 ເຖິງ 6 ມັງກອນ 2018 ການແຂ່ງຂັນໃນຄັ້ງນີ້ຈະເປັນການພົບກັນລະຫວ່າງລາວ ໂຕໂຢຕ້າ ເອບຊີ ທີມຜູ້ຊະນະຈາກລາວ ພີເມຍລີກ, ທີມຜູ້ຊະນະຈາກເມັດໂຟນ ກຳປູເຈຍ ພີເມຍລີກ, ທີມຜູ້ຊະນະ ໂຕໂຢຕ້າ ລີກ ຄັບ ປະເທດໄທ ແລະ ທີມຜູ້ຊະນະຈາກຫວຽດນາມ ໂຕໂຢຕ້າ ວີລີກ 1 ເຊິ່ງຈະຮູ້ຜູ້ຊະນະທັງຫມົດຫລັງປິດລະດູການແຂ່ງໃນປະເທດໃນຊ່ວງໄລຍະປາຍປີ 2017 ນີ້ ໂດຍໂຕໂຢຕ້າ ຈະປະກາດລາຍຊື່ ທີມຜູ້ແຂ່ງຂັນທັງໝົດຜ່ານທາງເວັບໄຊ ແລະ ເຟດບຸກຢ່າງເປັນທາງການ ຂອງການແຂ່ງຂັນ ໂຕໂຢຕ້າ ແມ່ນຂອງຄັບ ແຊ້ມປ້ຽນຊິບ


ບານເຕະເປັນກິລາທີ່ໄດ້ຮັບຄວາມນິຍົມສູງສຸດ ໃນພູມມິພາກນີ້ໂດຍບໍ່ມີຂໍ້ຈໍາກັດດ້ານພົມແດນ ໂຕໂຢຕ້າ ເຊື່ອວ່າດ້ວຍການສະຫນັບສະຫນູນຈາກສະໂມສອນບານເຕະຕ່າງໆ ການຈັດການແຂ່ງຂັນບານເຕະລາຍການ ໂຕໂຢຕ້າ ແມ່ຂອງ ຄັບ ແຊມປຽນຊິບ ເປັນໂອກາດໃຫ້ ໂຕໂຢຕ້າ ໄດ້ມີສ່ວນສະໜັບສະໜູນຄວາມມັກ ແລະ ສ້າງແຮງບັນດານໃຈໃຫ້ແກ່ຊຸມຊົນທ້ອງຖິ່ນໃນປະເທດຕ່າງໆ “ຂ້າພະເຈົ້າຫວັງວ່າການແຂ່ງຂັນ ໂຕໂຢຕ້າ ແມ່ຂອງ ຄັບ ແຊມປຽນຊິບ ຈະເປັນເວທີໃຫ້ຄົນໃນຊຸມຊົນໄດ້ຮັບຊົມຝີມືຂອງເຫລົ່ານັກກິລາທີ່ໄດ້ຊື່ວ່າໂດດເດັ່ນ ແລະ ດີທີ່ສຸດໃນພູມມິພາກນີ້ ແລະ ໄດ້ຮ່ວມຕື່ນເຕັ້ນໄປກັບການເຊຍທີມທີ່ຕົວເອງມັກ ເຮົາຫວັງວ່າຈະໃຊ້ກິລາບານເຕະເປັນເຄື່ອງມືໃນການລວມຄົນໃນຊຸມຊົນໄວ້ດ້ວຍກັນ ແລະ ສ້າງຄວາມເຂັ້ມແຂງໃຫ້ກັບພວກເຂົາ”  ທ່ານ ເຮົາ ຄລວກ ທຽນ ຮອງກຳມະການຜູ້ຈັດການໃຫຍ່ ບໍລິສັດ ໂຕໂຢຕ້າ ມໍເຕີ້ ເອເຊຍ ປາຊີຟິກ ກ່າວໃນງານຖະແຫລງຂ່າວລະດັບພູມມິພາກທີ່ຈັດຂຶ້ນໃນກຸງເທບ ເມື່ອວັນທີ 13 ພະຈິກ 2017 


ໂຕໂຢຕ້າ ຕ້ອງການຍົກລະດັບປະສົບການແຂ່ງຂັນ ໂຕໂຢຕ້າ ແມ່ຂອງຄັບ ແຊມປຽນຊິບ ໄປອີກຂັ້ນໃນປີ 2017 ນີ້ ແຟນບານເຕະ ເຊິ່ງຮັບຊົມການແຂ່ງຂັນໃນສະຫນາມຈະໄດ້ຮ່ວມມ່ວນໄປກັບກິດຈະກໍາທີ່ຫລາກຫລາຍ ນອກເຫນືອ ໄປຈາກການຖ່າຍທອດຜ່ານສະຖານນີໂທລະທັດໃນທ້ອງຖິ່ນແລ້ວ ການແຂ່ງຂັນໃນທຸກນັດຈະໄດ້ຮັບການຖ່າຍທອດສົດຜ່ານທາງເວັບໄຊ ແລະ ເຟດບຸກຢ່າງເປັນທາງການຂອງການແຂ່ງຂັນ ໂຕໂຢຕ້າ ແມ່ຂອງຄັບ ແຊມປຽນຊິບ ອີກດ້ວຍ ແລະດ້ວຍການນໍາສະເຫນີຜ່ານຊ່ອງ FOX Sports Asia ໃນເຄືອ FOX Networks Group Asia ເຊິ່ງຖ່າຍທອດສະເພາະລາຍການກິລາ ເຮົາເປີດໂອກາດໃຫ້ແຟນບານເຕະປະເທດບູໄນ, ກຳປູເຈຍ,ຈີນ, ຮ່ອງກົງ, ອິນໂດເນເຊຍ, ຍີ່ປຸ່ນ, ມາເກົ້າ, ມາເລເຊຍ, ມົງໂກເລຍ, ມຽນມາ, ສິງກະໂປ, ເກົາຫລີໃຕ້, ໃຕ້ຫວັນ, ໄທ ແລະ ຫວຽດນາມ ໄດ້ຮ່ວມຮັບຊົມການແຂ່ງຂັນດ້ວຍ ບັດເຂົ້າຊົມການແຂ່ງຂັນຈະມີຂາຍຫນ້າເດີ່ນໃນມືຶ້ຈັດການເເຂ່ງຂັນ


ໂຕໂຢຕ້າ ມໍເຕີ້ ເອເຊຍ ປາຊີຟິກ ພູມໃຈທີ່ຈະປະກາດວ່າ ຄາໂອ (Kao) ແລະ ກຸ່ມບໍລິສັດ ໂຕໂຢຕ້າທູໂຊ (Toyota Tsusho Group) ຍັງເປັນຜູ້ສະຫນັບສະໜຸນການແຂ່ງຂັນໂຕໂຢຕ້າ ແມ່ຂອງຄັບ ແຊມປ້ຽນຊິບ ໃນພູມິພາກນີ້ຢ່າງຕໍ່ເນື່ອງ ແລະ ຍັງມີຟ໋ອກ ສະປອດ ເອຊີ (FOX Sports Asia) ເປັນສື່ພັນທະມິດຢ່າງເປັນທາງການ ແລະ ມີ ມິຊູໂນ່ (Mizuno) ເປັນຜູ້ໃຫ້ການສະໜັບສະໜູນໝາກບານເຕະຢ່າງເປັນທາງການ ທ່ານ. ຄິໂຢໂຢຊິ ໂອບະ ປະທານບໍລິສັດ ໂຕໂຢຕ້າ ທູໂຊ (ປະເທດໄທ) ຈຳກັດ ແລະ ຜູ້ບໍລິຫານຂອງ ໂຕໂຢຕ້າ ທູໂຊ ຄໍເປີເລຊັນ ແລະ ກຸ່ມບໍລິສັດທູໂຊ ກ່າວວ່າ “ນັບເປັນກຽດຢ່າງສູງທີ່ກຸ່ມ ບໍລິສັດ ໂຕໂຢຕ້າ ທູໂຊ ມີໂອກາດໃດ້ສະໜັບສະໜຸນ ໂຕໂຢຕ້າ ໃນການເສີມສ້າງຄຸນຄ່າຊີວິດໃຫ້ເເກ່ຊຸມຊົນທ້ອງຖີ່ນໃນພູມິພາກແມ່ນ້ຳຂອງ ຜ່ານກິລາບານເຕະ ເຮົາໃດ້ເລີ່ມໃຫ້ການສະຫນັບສະໜູນການແຂ່ງຂັນນີ້ມາຕັ້ງແຕ່ປີ 2014 ແລະ ຍິນດີຢ່າງສູງທີ່ໃດ້ຮັບກຽດອີກຄັ້ງໃນປີນີ້”


ເວັບໄຊຕົວຢ່າງເປັນທາງການ: 

http://toyotamekongfootball.com/ 

ເຟດບຸກຢ່າງເປັນທາງການ:

https://www.facebook.com/ToyotaMCC/