ວັນທີ 25 ກຸມພາ 2017 ທີ່ຜ່ານມາ ບໍລິສັດໂຕໂຍຕ້າ ມໍເຕີ້ ປະເທດໄທຈຳກັດ ຮ່ວມກັບກະຊວງສຶກສາທິການ ໄດ້ຄັດເລືອກຜົນງານຮອບສຸດທ້າຍຂອງໂຄງການ TOYOTA DREAM CAR ART CONTEST 2017 ທີ່ໂຮງແຮມ ລາວພາຊ່າ ໂດຍເຍົາວະຊົນທີ່ເຂົ້າຮອບທັງ 30 ຄົນ ( ລຸ້ນອາຍຸ ຕໍ່າກ່ວາ 8 ປີ 10 ຄົນ, ລຸ້ນອາຍຸ 8-11 ປີ 10 ຄົນ ແລະ ລຸ້ນອາຍຸ 12-15 ປີ 10 ຄົນ) ໄດ້ມາແຕ້ມຮູບຕໍ່ໜ້າຄະນະກໍາມະການ ເພື່ອພິສູດຄວາມສາມາດ ເຊິ່ງຄະນະກໍາມະການໄດ້ຄັດເລືອກ ລາງວັນຊະນະເລີດອັນດັບ 1,2 ແລະ 3 ແລະ ລາງວັນຊົມເຊີຍອີກ 2 ລາງວັນ ໃນແຕ່ລະລຸ້ນອາຍຸເປັນທີ່ຮຽບຮ້ອຍ ເຊິ່ງຜົນງານອັນດັບ1,2 ແລະ 3 ໃນແຕ່ລະລຸ້ນອາຍຸຈະຖືກສົ່ງໄປແຂ່ງຂັນໃນລະດັບໂລກທີ່ປະເທດຍີ່ປຸ່ນ ແລະ ໂຕໂຍຕ້າ ຈະຈັດພິທີມອບລາງວັນໃຫ້ກັບຜູ້ຊະນະເລີດໃນວັນທີ 1 ເມສາ 2017 ທີ່ວຽງຈັນເຊັນເຕີ