ໂຕໂຢຕ້າ ຂໍສະແດງຄວາມຍິນດີກັບເຍົາວະຊົນລາວ ທ້າວຄໍາພູ ສີຫະລາດ ທີ່ຄວ້າລາງວັນ Silver Award ລຸ້ນອາຍຸ 8-11 ປີ ແລະນ້ອງລັດຕະນາ ຈັນດາວົງ ທີ່ຄວ້າລາງວັນ Bronze Award ລຸ້ນອາຍຸ 12-15 ປີ ໃນການແຂ່ງຂັນ Toyota Dream Car Art Contest 2017 ລະດັບໂລກທີ່ປະເທດຍີ່ປຸ່ນ.


ໃນວັນທີ 21-25 ສິງຫາ 2017 ທີ່ຜ່ານມາ ນ້ອງຄໍາພູ ແລະນ້ອງລັດຕະນາ ໄດ້ເດີນທາງໄປຮັບລາງວັນ Toyota Dream Car Art Contest ທີ່ປະເທດຍີ່ປຸ່ນ ພ້ອມໄດ້ເຂົ້າເບິ່ງໂຮງງານໂຕໂຢຕ້າ, ພິພິທະພັນໂຕໂຢຕ້າ, Toyota Mega Web ແລະຊົມວັດອາຊາກຸສະ. ນອກຈາກນີ້ຍັງໄດ້ເຮັດກິດຈະກໍາຕ່າງໆ ແລະ ພົບປະແລກປ່ຽນວັດທະນະທໍາກັບໝູ່ເພື່ອນຈາກຫຼາຍປະເທດທົ່ວໂລກ.