ຫລັງຈາກທີ່ປະກາດຜົນລາງວັນຜູ້ຊະນະເລີດໂຄງການປະກວດແຕ້ມຮູບ Toyota Dream Car Art Contest 2017 ໄປແລ້ວເມື່ອຕົ້ນເດືອນທີ່ຜ່ານມາ ທາງ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈໍາກັດ ກໍ່ໄດ້ຈັດໃຫ້ມີການເດີນທາງໄປທັດສະນະສຶກສາທີ່ ບາງກອກ (ປະເທດໄທ) ໃຫ້ກັບຜູ້ຊະນະເລີດທັງ 3 ຮຸ່ນປະເພດອາຍຸ ໃນວັນທີ 21-22 ເມສາທີ່ຜ່ານມາ ໂດຍທາງໂຕໂຍຕ້າໄດ້ພານ້ອງໆເຍົາວະຊົນ ແລະ ຜູ້ປົກຄອງໄປທ່ຽວສະຖານທີ່ຕ່າງໆເພື່ອເປີດໂລກະທັດໃຫ້ນ້ອງໆໄດ້ເຫັນໂລກກວ້າງ ເສີມສ້າງປະສົບການທາງດ້ານການສຶກສາ ແລະ ສ້າງແຮງບັນດານໃຈໃນການແຕ້ມຮູບຕໍ່ໄປໃນອານາຄົດ ຊື່ງນ້ອງໆໄດ້ເຂົ້າຊົມເມືອງຈຳຮອງ Stanley Miniventure, ເມືອງຫິມະ Snow town ແລະລວມທັງ Kidzania ທີ່ໄດ້ໃຫ້ນ້ອງໆໄດ້ຈໍາລອງເປັນຜູ້ປະກອບອາຊີບໃນສາຍງານຕ່າງໆຫລາຍໆອາຊີບ ນອກຈາກນີ້ນ້ອງໆຍັງໄດ້ຮັບປະທານອາຫານມື້ຄໍ່າສຸດພິເສດຮ່ວມກັບຜູ້ບໍລິຫານ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈໍາກັດ ອີກດ້ວຍ