ບໍລິສັດ ​ໂຕ​ໂຍຕ້າ ​ມໍ​ເຕີ້ ປະ​ເທດ​ໄທ ຈຳກັດ ​ໄດ້​ຈັດ​ໃຫ້​ມີ​ພິທີ​ມອບ​ລາງວັນ ສຳລັບ​ຜູ້​ຊະນະ​ເລີດ ​ໂຄງການ​ປະ​ກວດ​ແຕ້ມ​ຮູບ​ໃນຫົວ​ຂໍ້ “ລົດ​​ໂຕ​ໂຍຕ້າ ​ໃນຝັນ​ຂອງຂ້ອຍ” Toyota Dream Car Art Contest 2017 ​ໃນ​ວັນ​ທີ 1 ​ເມສາ 2017 ທີ່​ຜ່ານ​ມາ​ທີ່​ວຽງ​ຈັນ​ເຊັນ​ເຕີ້ ​ໂດຍ​ໄດ້​ຮັບ​ກຽດ​ເຂົ້າ​ຮ່ວມ​ເປັນ​ປະທານ​ຂອງ​ ທ່ານ ຮອງ ສາດສະດາຈານ ປະລິນຍາ​ເອກ ຄຳຜ່າ​ຍ ສີສະ​ຫວັນ ຮອງ​ລັດຖະມົນຕີ​ ກະຊວງ​ສຶກສາ​ທິການ ​ແລະ ກິລາ ​ແລະ ທ່ານ​ປະກອນ ວົງ​ວິທະຍາ​ພິຣົມ, ປະທານ​ຝ່າຍ​ປະຕິ​ບັດ​ການສຳນັກງານ​ເຂດ​ພູມ​ມິ​ພາກ​ແມ່​ນ້ຳຂອງ ບໍລິສັດ ​ໂຕ​ໂຍຕ້າ ມໍ​ເຕີ້ ປະ​ເທດ​ໄທ ຈຳກັດ ພ້ອມ​ຕົວ​ແທນ​ຈຳໜ່າຍ​ໂຕ​ໂຍຕ້າ​ຢ່າງ​ເປັນ​ທາງ​ການ​ໃນ ສປປ.ລາວ, ຄະນະ​ກຳມະການ​ຜູ້​ຊົງ​ວຸດ​ທິຈາກ​ກົມ​ອະນຸບານ ​ແລະ ປະຖົມ​ສຶກສາ ກົມ​ມັດທະຍົມ​ສຶກສາ ກະຊວງ​ສຶກສາ​ທິການ​ ​ແລະ ກິລາ ກົມ​ວິຈິດ​ສິນ ກະຊວງ​ຖະ​ແຫຼ​ງຂ່າວ-ວັດທະນະທຳ ​ແລະ ທ່ອງ​ທ່ຽວ ​ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ, ນອກຈາກ​ນີ້ຍັງ​ມີ​ບັນດາ​ຄູ​ອາຈານ ​ແລະ ຜູ້​ປົກຄອງ ລວມ​ເຖິງ​ຜູ້​ທີ່​ສົນ​ໃຈ​ເຂົ້າ​ຮ່ວມ​ສະ​ແດງ​ຄວາມ​ຍິນ​ດີ​ກັບ​ນ້ອງໆ​ຢ່າງ​ຫຼວງ​ຫຼາຍ