ການສະແດງຄອນເສີດການກຸສົນ ໂຕໂຢຕ້າ ຄາສສິກ 2017 


ບໍລິສັດ ໂຕໂຢຕ້າ ມໍເຕີ້ ປະເທດໄທ ຈໍາກັດ ຮ່ວມກັບ ບໍລິສັດ ໂຕໂຢຕ້າ ມໍເຕີ້ ເອເຊຍ ແປຊີຟິກ ຈໍາກັດ ແລະ ຕົວແທນຈໍາໜ່າຍ ໂຕໂຢຕ້າ ໃນ ສປປ.ລາວ ໄດ້ຈັດຄອນເສີດ ການກຸສົນ ໂຕໂຢຕ້າ ຄາສສິກ ຂຶ້ນອີກຄັ້ງໃນ ສປປ.ລາວ ໃນວັນທີ 24 ຕຸລາ 2017 ເວລາ 19:00-20:30 ມ.  ທີ່ຫໍວັດທະນະທຳແຫ່ງຊາດນະຄອນຫລວງວຽງຈັນໂດຍໄດ້ຮັບກຽດຈາກ ທ່ານ ສຈ. ດຣ. ບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫຼງຂ່າວ ວັດທະນາທຳ ແລະ ທ່ອງທ່ຽວ ບັນດາທ່ານລັດຖະມົນຕີ, ຮອງລັດຖະມົນຕີ, ພັນລະຍາການນຳ, ບັນດາທູດຕານຸທູດ ແລະ ອົງການຈັດຕັ້ງສາກົນ ປະຈໍາ ສ ປ ປ ລາວ, ທ່ານ ມິຈິໂນບຸ ຊຶງາຕະ ກຳມະການຜູ້ຈັດການໃຫ່ຍ ພ້ອມດ້ວຍ ຜູ້ບໍລິຫານລະດັບສູງ ຈາກ ບໍລິສັດ ໂຕໂຢຕ້າ ມໍເຕີ້ ປະເທດໄທ ຈຳກັດ ແລະ ໂຕແທນຈຳຫນ່າຍ ໂຕໂຢຕ້າ ຢ່າງເປັນທາງການ ໃນ ສ ປ ປ ລາວ ພ້ອມນັ້ນຍັງມີ ແຂກຜູ້ມີກຽດ ເຂົ້າຮ່ວມ ຊົມການສະແດງຢ່າງຫລວງຫລາຍ


ບໍລິສັດ ໂຕໂຢຕ້າ ມໍເຕີ້ ປະເທດໄທ ຈຳກັດ ໄດ້ມອບລາຍໄດ້ຈາກການຈັດງານ Toyota Classics Charity Concert 2017 ເປັນຈຳນວນ 250.000.000 ກີບ ໃຫ້ແກ່ ສະມາຄົມ ສິລະປະການສະແດງ ກະຊວງຖະແຫຼງຂ່າວວັດທະນາທໍາ ແລະ ທ່ອງທ່ຽວ ແລະ ສູນຄົນພິການຕາ (ທົ່ງປົງ)


ໂຕໂຢຕ້າ ມີຄວາມຕັ້ງໃຈເປັນສ່ວນໜຶ່ງ ໃນການສ້າງຄວາມສຸກ ແລະ ຮອຍຍີ້ມໃນ ສ ປ ປ ລາວ ”ພາຍໃຕ້ນະໂຍບາຍ ໂຕໂຢຕ້າ ໄປໃສໄປນຳກັນ” ໂດຍການ ເປັນອົງກອນທີ່ດີ ມີຈິດສຳນຶກ ຮັບຜິດຊອບ ແລະ ຮ່ວມພັດທະນາ ສັງຄົມລາວ  ໂດຍໜຶ່ງໃນຄວາມຕັ້ງໃຈຂອງ ໂຕໂຢຕ້າ ຄື ການສະໜັບສະໜູນ ທາງດ້ານການສຶກສາ ແລະ ຍົກລະດັບ ຊີວິດການເປັນຢູ່ ໃຫ້ແກ່ຜູ້ດ້ອຍໂອກາດ ເຊິ່ງບໍລິສັດ ໄດ້ນຳຄອນເສີດການກຸສົນ ໂຕໂຢຕ້າ ຄາສສິກ ມາຈັດສະແດງໃນ ສປປ.ລາວ ໂດຍມີຈຸດປະສົງ ເພື່ອສົ່ງເສີມໃຫ້ປະຊາຊົນລາວ ມີໂອກາດຮັບຟັງການສະແດງ ຂອງ ວົງດົນຕີ ລະດັບໂລກ ນອກຈາກນີ້ ໂຕໂຢຕ້າ ຍັງໄດ້ເຊີນນັກຮຽນ ໂຮງຮຽນ ສິລະປະດົນຕີ ແຫ່ງຊາດ ເຂົ້າຮ່ວມຊົມຄອນເສິດ ໃນວັນດັ່ງກ່າວຟຣີ ເພື່ອເປັນປະໂຫຍດກັບນ້ອງໆເຍົາວະຊົນອີກດ້ວຍ


ຄອນເສິດການກຸສົນ ໂຕໂຢຕ້າ ຄາສສິກ ໃນປີນີ້ເປັນການສະແດງ ຄັ້ງທີ 28 ແລະ ນັບຕັ້ງແຕ່ ເລີ່ມຈັດງານ ໃນປີ 1990 ຈົນເຖິງ ປີ 2016 ຄອນເສີດການກຸສົນ ໂຕໂຢຕ້າ ຄາສສິກ  ໄດ້ລະດົມທືນ ລວມເປັນມູນຄ່າປະມານ 9 ລ້ານໂດລ້າສະຫະລັດ ເພື່ອອົງກອນການກຸສົນ ທ້ອງຖີ່ນທົ່ວພູມິພາກອາຊີ ແລະ ໃນປີນີ້ ຄອນເສິດ ໂຕໂຢຕ້າ  ຄາສສິກ ຈະຈັດການສະແດງທັງໝົດ 6 ປະເທດໄດ້ແກ່ ບູໄນ ກຳປູເຈຍ ລາວ ມາເລເຊຍ ໄທ ແລະ ຫວຽດນາມ ຕະຫລອດໄລຍະເດືອນ ຕຸລາ ແລະ ພະຈິກ ນີ້


ການສະແດງໄລຍະນີ້ ໄດ້ຮ່ວມມືກັບວົງ ອໍເຄສຕ້າ ຊື່ດັງລະດັບໂລກ ວົງອໍເຄສຕ້າ ລໍໂຢຟິວຮາໂມນິກ  ຄອນເສິດ ພາຍໃຕ້ການອຳນວຍການເພງ ຂອງ ແອນໂທນີ່ ວີເດນ ແລະ ນັກດ່ຽວ ໄວໂອລີນ ເດວິດ ຈູລິດ ເຊິ່ງລາຍການເພງ ໃນປີນີ້ ເຕັມໄປດ້ວຍ ຄວາມອ່ອນຫວານ ແລະ ໂລແມນຕິກ  ຈາກເພງທີ່ຂຽນຂື້ນ ເພື່ອສະແດງ ທີ່ໂຮງອຸປະລະກອນ ລະຄອນເວທີ ງານພິເສດ ເຊັ່ນ  ດົນຕີນໍ້າຂອງ ຮານເດລ ຈາກຄວາມຕ້ອງການ ຂອງພະເຈົ້າ ຕອນທີ 1  ເພື່ອສະແດງ ເທິງເຮືອບັນທຸກເຄື່ອງ ຂະນະທີ່ລອງເຮືຶໃນແມ່ນ້ຳເທມ ແລະ ຊາລຸດເດ ອາເມີ ຂອງ ເອວການ ເຊິ່ງເປັນຂອງຂວັນ ໃຫ້ແກ່ຄູ່ໝັ້ນຂອງຕົນເອງ ຍິ່ງໄປກວ່ານັ້ນ, ຍັງມີບົດເພງ ອຳມະຕະຂອງລາວ  ທີ່ຮຽບຮຽງຂຶ້ນ ເປັນພິເສດ ສຳລັບການສະແດງ ໃນ ສ ປ ປ ລາວ ເທົ່ານັ້ນ


 “ຄອນເສີດການກຸສົນ ໂຕໂຢຕ້າ ຄາດສິກ ເປັນອີກ 1 ໃນ 200 ໂຄງການສະແດງ ຄວາມຮັບຜິດຊອບ ຕໍ່ສັງຄົມຂອງ ໂຕໂຢຕ້າ ໃນທະວີບອາຊີ ຜ່ານການສ້າງ ຄວາມບັນເທີງ ໃຫ້ແກ່ຜູ້ຊົມທຸກເພດໄວ ແລະ ລະດົມເງິນ ສໍາລັບອົງກອນການກຸສົນທ້ອງຖີ່ນ ເພື່ອສະໜັບສະໜູນ ນັກດົນຕີໄວໜຸ່ມ ຜ່ານການສະແດງ ແລະ ມາດເຕີ້ຄາສ ສອນໂດຍນັກດົນຕີ ໂຕໂຢຕ້າ  ຄາສສິກ ຕາມຄຳຂວັນ ຂອງເຮົາວ່າ “ດົນຕີຂັບເຄື່ອນຊີວິດ” ເຮົາຕັ້ງໃຈທີ່ຈະເຂົ້າໄປໃຫ້ເຖິງຈິດໃຈ ຂອງຄົນທັງໃນ ແລະ ນອກເວທີ ການສະແດງຄອນເສິດ” ທ່ານ ຮິໂລຍູກິ ຟູຄູອິ ປະທານ ບໍລິສັດ ໂຕໂຢຕ້າ ມໍເຕີ້ ເອເຊຍ ປາຊິຟິກ ກ່າວ