ບໍລິສັດໂຕໂຍຕ້າ ມໍເຕີ້ ປະເທດໄທ ຈຳກັດ ຮ່ວມກັບ ບໍລິສັດ ໂຕໂຍຕ້າ ມໍເຕີ້ ເອເຊຍ ປາຊີຟິກ ຈຳກັດ ແລະ ຕົວແທນຈຳໜ່າຍໂຕໂຍຕ້າໃນສປປ.ລາວ ໄດ້ຈັດ ຄອນເສີດການກຸສົນ ໂຕໂຍຕ້າ ຄາສສິກ 2016 ໃນວັນທີ 31 ຕຸລາ 2016 ທີ່ ຫໍວັດທະນະທຳແຫ່ງຊາດ ນະຄອນຫຼວງວຽງຈັນ.


ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ຮ່ວມກັບ ບໍລິສັດ ໂຕໂຍຕ້າ ມໍເຕີ ເອເຊຍ 

ປາຊີຟິກ ແລະ ຕົວແທນຈຳໜ່າຍໂຕໂຍຕ້າໃນສປປ.ລາວ ໄດ້ຈັດງານຄອນເສີດການກຸສົນ 

ໂຕໂຍຕ້າ ຄາສສິກ ຂຶ້ນອີກຄັ້ງໃນສປປ.ລາວ ໃນວັນທີ 31 ຕຸລາ 2016 ເວລາ 19.00-20.30ໂມງ ທີ່ ຫໍວັດທະນະທໍາແຫ່ງຊາດ ນະຄອນຫລວງວຽງຈັນ ໂດຍໄດ້ຮັບກຽດທ່ານ ສຈ.ດຣ. ບໍ່ແສງຄຳ 

ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເປັນປະທານກິຕິມະສັກ ພ້ອມດ້ວຍບັນດາທ່ານລັດຖະມົນຕີວ່າການ, ເຈົ້າຄອງນະຄອນຫລວງວຽງຈັນ, ຮອງລັດຖະມົນຕີວ່າການ, ພັນລະຍາການນໍາ, ບັນດາທູຕານຸທູດ ແລະ ອົງການຈັດຕັ້ງສາກົນປະຈໍາສປປ.ລາວ, ທ່ານ ທັດສຶໂລ່ ທາຄາມິ ກໍາມະການຜູ້ຈັດການໃຫຍ່ ບໍລິສັດ ໂຕໂຍຕ້າ ມໍເຕີ້ ເອເຊຍ ປາຊີຟິກ ເອັນຈິເນຍລິ່ງ ແອນ ແມນູເຟດເຈີລິ່ງ ,ຜູ້ບໍລິຫານລະດັບສູງຈາກ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈໍາກັດ ແລະ ຕົວແທນຈໍາຫນ່າຍໂຕໂຍຕ້າ ຢ່າງເປັນທາງການໃນສປປ.ລາວ ອີກທັງຍັງມີແຂກຜູ້ມີກຽດເຂົ້າຮ່ວມຊົມການສະແດງຢ່າງໜາແໜ້ນ.


ບໍລິສັດ ໂຕໂຍຕ້າ ມໍເຕີ້ ປະເທດໄທ ຈໍາກັດ ໄດ້ມອບລາຍໄດ້ຈາກການຈັດງານ Toyota Classics Charity Concert 2016 ເປັນຈໍານວນ 230.000.000 ກີບ ໃຫ້ແກ່ກະຊວງຖະແຫລງຂ່າວ ວັດທະນາທໍາ ແລະ ທ່ອງທ່ຽວ ເພື່ອສະຫນັບສະຫນູນໂຮງຮຽນດົນຕີໃນສປປ.ລາວ.


ໂຕໂຍຕ້າມີຄວາມມຸ່ງຫມັ້ນຮ່ວມເປັນສ່ວນຫນຶ່ງໃນການສ້າງຄວາມສຸກ ແລະ ຮອຍຍິ້ມສູ່ສັງຄົມ ໃນສປປ.ລາວ ພາຍໃຕ້ນະໂຍບາຍ “ໂຕໂຍຕ້າ ໄປໃສໄປນໍາກັນ” ດ້ວຍການເປັນອົງການຈັດຕັ້ງທີ່ດີມີຈິດສຳນຶກຮັບຜິດຊອບ ແລະ ຮ່ວມພັດທະນາສັງຄົມລາວ ໂດຍເຫນັ່ງໃນຄວາມຫມຸ່ງຫມັ້ນ ແລະ ຕັ້ງໃຈຂອງໂຕໂຍຕ້າຄື ການສະຫນັບສະຫນູນທາງດ້ານການສຶກສາ ແລະ ຍົກລະດັບຊີວິດໃຫ້ແກ່ຜູ້ຂາດແຄນໂອກາດເຊິ່ງ ບໍລິສັດ ໄດ້ນໍາຄອນເສີດການກຸສົນ ໂຕໂຍຕ້າ ຄາສສິກ ມາຈັດສະແດງໃນສປປ.ລາວ ໂດຍມີວັດຖຸປະສົງເພື່ອສົ່ງເສີມໃຫ້ປະຊາຊົນລາວ ມີໂອກາດຮັບຟັງການສະແດງຂອງວົງດົນຕີລະດັບໂລກ ນອກຈາກນີ້ ໂຕໂຍຕ້າ ຍັງໄດ້ເຊີນນັກຮຽນໂຮງຮຽນສິລະປະແຫ່ງຊາດເຂົ້າຮ່ວມຊົມຄອນເສີດໃນວັນດັ່ງກ່າວຟຣີເພື່ອເປັນປະໂຫຍດກັບນ້ອງໆເຍົາວະຊົນອີກດ້ວຍ.


ຄອນເສີດການກຸສົນໂຕໂຍຕ້າ ຄາສສິກ ໃນປີນີ້ເປັນການສະແດງຄັ້ງທີ 27 ແລະ ນັບຕັ້ງແຕ່ເລີ່ມຈັດງານໃນປີ 1990 ຈົນມາຮອດປີ 2015 ຄອນເສີດການກຸສົນໂຕໂຍຕ້າ ຄາສສິກໄດ້ລະດົມທຶນລວມເປັນມູນຄ່າ 876 ລ້ານເຢັນ (ປະມານ 8.6 ລ້ານໂດລາສະຫາລັດ) ເພື່ອອົງກອນການກຸສົນໂຕໂຍຕ້າ ທ້ອງຖິ່ນທົ່ວພູມິພາກເອເຊຍ ແລະ ໃນປີນີ້ຄອນເສີດໂຕໂຍຕ້າ ຄາສສິກຈະຈັດການສະແດງທັງຫມົດ 8 ປະເທດ ໄດ້ແກ່: ບູໄນ, ກໍາປູເຈຍ, ອິນໂດເນເຊຍ, ລາວ, ມາເລເຊຍ, ສິງກະໂປ, ຟີລິປິນ ແລະ ຫວຽດນາມ ຕະຫລອດໄລຍະເດືອນຕຸລາ ແລະ ພະຈິກນີ້


ການສະແດງຄອນເສີດການກຸສົນ ໂຕໂຍຕ້າ ຄາສສິກ ໃນຄັ້ງນີ້ ໄດ້ຮັບກຽດຈາກວົງດຸລິຍາງບອລຕິກ ເນໂອໂພລິສ ຈາກປະເທດໂປແລນ ເຊິ່ງຈະມາເປີດການສະແດງເປັນຄັ້ງທຳອິດໃນເອເຊຍໂດຍຖ່າຍທອດຜ່ານ ວາສໂກ ວາສຊິເລບ ຜູ້ກໍາກັບສິລະປິນ ແລະ ນັກໄວໂອລິນ ຮ່ວມກັບການຮຽບຮຽງດົນຕີຂອງ ພາເມລ່າ ແທນ ນິໂຄສສັນ ນັກເປຍໂນ ແລະ ນັກປະພັນເພງຄົນສິງກະໂປ ເຊີ່ງການສະແດງໃນປີນີ້ໄດ້ກໍາເນີດການສ້າງທາງດົນຕີໃຫມ່ທີ່ເອີ້ນ “ຊິງໂຟນີ່” ຄືການທີ່ສະມາຊິກວົງດຸລິຍາງຈະສະແດງ ແລະ ຂັບຮ້ອງເພງຄີຕະກະວີທີ່ດີເດັ່ນ ເຊິ່ງມີທັງ ມາຕາມບັດເຕີ້ຟຣາຍ ແລະ ຕູຣັນໂດ ຂອງປຸບຊີນີ ລາ ທາວິອາທາຂອງແວດີ ແລະ ກາເມນຂອງບີແຊ ໂດຍການຮຽບຮຽງເປັນເລື່ອງລາວທີ່ປະທັບໃຈ ແລະ ສ້າງຄວາມຕື່ນຕາຕື່ນໃຈໃນການຮັບຊົມ ເຊິ່ງວົງດຸລິຍາງບອລຕິກ ເນໂອໂພລິສ ເປີດການສະແດງຢ່າງກວ້າງຂວາງໃນທະວີບເອີຣົບຕັ້ງແຕ່ປີ 2008 ແລະ ໄດ້ຮັບລາງວັນແກມມີ່ຂອງໂປແລນ ສຳຫຼັບອັລບັມດົນຕີທີ່ດີທີ່ສຸດໃນປີ 2015.


“ໂຕໂຍຕ້າ ຄາສສິກ ເປັນຫນຶ່ງໃນກວ່າ 200 ກິດຈະກໍາຄວາມຮັບຜິດຊອບທາງສັງຄົມຂອງໂຕໂຍຕ້າໃນພູມິພາກເອເຊຍ ທີ່ສ້າງຄວາມບັນເທີງໃຫ້ແກ່ຜູ້ຊົມທຸກເພດໄວ ໂດຍລະດົມທຶນເພື່ອສົມທົບແກ່ອົງການກຸສົນທ້ອງຖິ່ນ ຮ່ວມທັງສະຫນັບສະຫນູນນັກດົນຕີລຸ້ນເຍົາຜ່ານການຈັດການສະແດງ ແລະຫ້ອງຮຽນມາສເຕີ້ທີ່ສອນໂດຍນັກດົນຕີຈາກຄອນເສີດການກຸສົນ ໂຕໂຍຕ້າ ຄາສສິກ ພາຍໃຕ້ແນວຄິດ “ດົນຕີຂັບເຄື່ອນຊີວິດ” ໂດຍໂຕໂຍຕ້າ ຄາສສິກ ຕັ້ງໃຈທີ່ຈະເຂົ້າເຖິງຊີວິດຜູ້ຄົນທີ່ມາຮ່ວມຊົມການສະແດງຄອນເສີດລວມເຖິງຜູ້ທີ່ບໍ່ໄດ້ເຂົ້າຊົມ ທ່ານ ຮິໂຣຍູກິ ຟູກູອິ ປະທານບໍລິສັດ ໂຕໂຍຕ້າ ມໍເຕີ້ ເອເຊຍ ປາຊີຟິກ ຈໍາກັດກ່າວ.


ຂໍ້​ມູນ​ການ​ກຸສົນ​ໂຕ​ໂຍຕ້າ ຄາ​ສສິກ ​ແລະ ຕາ​ຕະ​ລາງ​ການສະ​ແດງ


ນັບ​ແຕ່​ເລີ່​ມມີ​ການຈັດງານສະ​ແດ​ງ​ຄອນ​ເສີດ​ການ​ກຸສົນ​ໂຕ​ໂຍຕ້າ ຄາ​ສສິກ​ ໃນ​ປີ 1990 ບັດ​ໄດ້​ຖືກ​ຈຳໜ່າຍໝົດທຸກ​ຮອບ​ໃນ​ທົ່ວ​ພູມ​ມິ​ພາກເອ​ເຊຍ ນ​ອກຈາກ​ນີ້ການສະ​ແດງ​ຄອນ​ເສີດ​ການ​ກຸສົນ​ໂຕ​ໂຍຕ້າ ຄາ​ສສິກ ຍັງ​ຊ່ວຍ​ສົ່ງ​ເສີມ​ດົນຕີ ຄາ​ສສິກ ​ໃນ​ພູມ​ມິ​ພາກ​ເພື່ອ​ສະໜັບສະໜູນຊຸມ​ຊົນ​ທ້ອງ​ຖິ່ນ​ນັ້ນໆ ​ເຊິ່ງກົງ​ກັບ​ພາລະກິດ​ຂອງ​ໂຕ​ໂຍຕ້າ​ໃນ​ການ​ຊ່ວຍ​ເຫຼືອປະ​ເທດ​ທີ່ ໂຕ​ໂຍຕ້າ​ໄປ​ດຳ​ເນີນ​ທຸລະ​ກິດ​ຢູ່​ໃຫ້​ມຸ່ງ​ສູ່​ການ​ພັດທະນາ​ຢ່າງ​ໝັ້ນຄົງ ​ໂດຍ​ລາຍ​ໄດ້​ຈາກ​ການ​ຈັດງານການ​ສະ​ແດງ​ໄດ້​ນຳ​ໄປສະໜັບບ​ສະໜູນ​ໂຄງການ​ສຳຄັນຫຼາຍ​ໂຄງການ​ຕາມ​ແຕ່ລະ​ທ້ອງ​ຖິ່ນ​ດັ່ງນີ້


​ໂຄງການ

ລາຍ​ລະອຽດ

ສ້າງ​ຫໍປະຊຸມ​ອະ​ເນກປະສົງ​ສຳຫຼັບຊຸມ​ຊົນ​ໃນ​ປະ​ເທດ ຟິລິບປິນ

​ໂຕ​ໂຍຕ້າ​ຮ່ວມ​ກັບ​ລັດຖະບານ​ທ້ອງ​ຖິ່ນສ້າງ ​ແລະ ​ຕົກ​ແຕ່ງ​ພາຍ​ໃນ​ພ້ອມ​ໃຊ້​ງານ​ບົນ​ພື້ນທີ່​ຫໍປະຊຸມ​ອະ​ເນກປະສົງ​ສຳຫຼັບກິດຈະກຳ​ທ້ອງຖິ່ນ​ໃນ​ເມືອງ​ໂຕ​ໂຍຕ້າ ໝູ່ບ້ານ​ຊານ​ຕ້າ ​ໂຣຊ່າ ກາ​ວາດ ຄາ​ລິງ​ກາ ​ໃນ​ເມືອງ​ຊານ​ຕ້າ ​ໂຣຊ່າ ລາ​ກູນ່າ ​ເພື່ອ​ສະໜັບສະໜູນການ​ພັດທະນາ ​ແລະ ຄວາມ​ສາມາດ​ໃນ​ການ​ຜະລິດ​ຂອງ 160 ຄອບຄົວ

ບໍລິຈາກ​ໃ​ຫ້​ໂຮງໝໍ​ໃນ​ປະ​ເທດ​ກຳປູ​ເຈຍ

​ໂຕ​ໂຍ​ໂຕ້າ​ສະໜັບສະໜູນ​ໂຮງໝໍ ທ່ານ ທ່າ ​ໂບພາ ​ຊ່ວຍ​ຮັກສາ​ໂດຍ​ບໍ່ຄິດ​ຄ່າ​ໃຊ້​ຈ່າຍ ​ແລະ ​ໃຫ້​ທີ່ຢູ່​ອາ​ໄສ​ແກ່​ເດັກ​ນ້ອຍດ້ອຍ​ໂອກາດ

ມອບ​ທຶນ​ການ​ສຶກສາ​ແກ່ເຍົາວະ​ຊົນສັນຊາດຫວຽດນາມ​ທີ່​ມີ​ພອນ​ສະຫວັນ​ທາງ​ດ້ານ​ດົນຕີ​ຫວຽດນາມ

ມອບ​ທຶນ​ການ​ສຶກສາ​ໃຫ້​ແກ່​ເດັກນ້ອຍ​ນັກ​ຮຽນດົນຕີ​ທີ່​ມີ​ພອນ​ສະຫວັນ​ໂດຍ​ສຶກສາ​ຢູ່​ໃນ​ສະຖາ​ບັນ​ດົນຕີ ​ແລະ​ ສິລະປະການ​ສະ​ແດງ​ທີ່​ໃຫຍ່​ທີ່​ສຸດ 5 ອັນ​ດັບທຳ​ອິດຂອງປະເທດ​ເພື່ອ​ສະໜັບສະໜູນ​ໃຫ້​ເດັກນ້ອຍ ​ໄດ້​ກາຍ​ເປັນ​ຜູ້ຫຼິ້ນດົນຕີ​ມື​ອາຊີບ​ໃນ​ອານາ​ຄົດ


​ເມືອງ ປະ​ເທ​ດ

ວັນ​ທີ

ສະຖານ​ທີ່​ສະ​ແດງ

ບັນດານ ​ເສຣີ ​ເບ​ກາ​ວັນ ປະ​ເທດ​ບູໄນ​ 

22 ຕຸລາ (​ວັນເສົາ)

ສູນ​ສິລະປະ​ ໂຮງຮຽນນານາ​ຊາດ​ ​ເຈ​ຣູດົງ

​ມະນິລາ ປະ​ເທດ​ຟິລິບປິນ

27 ຕຸລາ (ວັນພະຫັດ)

​ໂຮງ​ລະຄອນ ຣີສອດ​ໂຊ​ແລ

​ຈາ​ກາ​ຕ້າ ປະ​ເທດ​ອິນ​ໂດ​ເນ​ເຊຍ

29 ຕຸລາ (ວັນ​ເສົາ)

ຫ້ອງ​ສະ​ແດງ​ສິລະປະ​ຊິ​ປູ​ຕຣາ

​ວຽງຈັນ ປະ​ເທດ​ລາວ

31 ຕຸລາ (ວັນຈັນ)

ຫໍ​ວັດທະນະທຳ​ແຫ່ງ​ຊາດ​ລາວ

​ກົວລາ ລຳ​ເປີ ປະ​ເທດ​ມະ​ເລ​ເຊຍ

02 ພະຈິກ (ວັນພຸດ)

​​ເດ​ວັນ ຟິລຮາ​ໂມ​ນິກ ​ເປ​ໂຕ​ຣນາສ ກັວລາ​ລຳ​ເປີ

​ສິງກະ​ໂປ ປະ​ເທດ​ສິງກະ​ໂປ

04 ພະຈິກ (ວັນ​ສຸກ)

​ໂຮງ​ລະຄອນ​ແຄ​ປີ​ຕໍ

ພະນົມ​ເປັນ ປະ​ເທດກຳປູ​ເຈຍ

06 ພະຈິກ (ວັນອາທິດ)

​ໂຮງ​ລະຄອນ​ຈັກ​ໂຕ​ມຸກ

​ໂຮ​ຈີ່​ມິນ ປະ​ເທດ​ຫວຽດນາມ

11 ພະຈິກ (ວັນສຸກ)

​ໂຮງ​ລະຄອນ​ໂຮ​ຈີ່​ມິນ


ຜູ້​ສົນ​ໃຈ​ສາມາດ​ຊື້ບັດ ຫຼື ຄົ້ນຫາ​ຂໍ້​ມູນ​​ເພີ່ມ​ເຕີມ​ກ່ຽວກັບ​ຄອນ​ເສີດ​ການ​ກຸສົນ​ໂຕ​ໂຍຕ້າ ຄາ​ສສິກ 2016 ​ໄດ້​ທີ່