ການສະແດງຄອນເສີດການກຸສົນ ໂຕໂຍຕ້າ ຄາສສິກ 2016 ໃນ ສປປ ລາວ

ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ຮ່ວມກັບ ບໍລິສັດ ມໍເຕີ້ ເອເຊຍ ປາຊີຟິກ ຈຳກັດ ແລະ ຕົວແທນຈຳໜ່າຍໂຕໂຍຕ້າໃນ ສປປ ລາວ ຈະຈັດຄອນເສີດ ໂຕໂຍຕ້າ ຄາສສິກ 2016 ໃນວັນທີ 31 ຕຸລາ 2016 ທີ່ ຫໍວັດທະນະທໍາແຫ່ງຊາດ ນະຄອນຫຼວງວຽງຈັນ. 

ໂຕໂຍຕ້າ ບໍລິສັດ ຜະລິດລົດຍົນລະດັບໂລກ ຕຽມຈັດການສະແດງຄອນເສີດການກຸສົນໂຕໂຍຕ້າ ຄາສສິກ ປະຈຳປີໃນທະວີບເອເຊຍ ເຊີ່ງໃນປີນີ້ຈະເປັນການສະແດງຄັ້ງທີ 27 ນັບຕັ້ງແຕ່ເລີ່ມຈັດງານຈົນຮອດປີ 2015 ຄອນເສີດການກຸສົນໂຕໂຍຕ້າ ຄາສສິກ ໄດ້ລະດົມທຶນລວມເປັນມູນຄ່າ 876 ລ້ານເຢັນ (ປະມານ 8.6 ລ້ານຫຼ້ຽນສະຫະລັດ) ເພື່ອອົງກອນການກຸສົນທ້ອງຖິ່ນທົ່ວພູມມິພາກເອເຊຍ ແລະ ໃນປີນີ້ຄອນເສີດໂຕໂຍຕ້າ ຄາສສິກ ຈະຈັດການສະແດງທັງໝົດ 9 ປະເທດ ໄດ້ແກ່: ບູຣໄນ, ກໍາປູເຈຍ, ອິນໂດເນເຊຍ, ລາວ, ມາເລເຊຍ, ໄທ, ຟິລິບປິນ ແລະ ຫວຽດນາມ ຕະຫຼອດໄລຍະເດືອນຕຸລາ ແລະ ພະຈິກນີ້.

ການສະແດງຄອນເສີດການກຸສົນໂຕໂຍຕ້າ ຄາສສິກ ໃນຄັ້ງນີ້ ໄດ້ຮັບກຽດຈາກວົງດຸລິຍາງ ຄໍບອດຕິກ ເນໂອໂພລິດ ຈາກປະເທດໂປແລນ ເຊີ່ງຈະມາເປີດການສະແດງເປັນຄັ້ງທຳອິດໃນເອເຊຍຖ່າຍທອດຜ່ານ ວາສໂກ ວາສຊິເລບ ຜູ້ກຳກັບສິລະປິນ ແລະ ນັກຮ້ອງໄວໂອລີນ ຮ່ວມກັບການຮຽບຮຽງດົນຕີ ຂອງພາເມລ່າ ແທນ ນິໂຄຣສັນ ນັກເປຍໂນ ແລະ ນັກປະພັນເພງຄົນສິງກະໂປ ເຊີ່ງການສະແດງໃນປີນີ້ໄດ້ກຳເນີດການສ້າງທາງດົນຕີໃໝ່ທີ່ເອີ້ນວ່າ “ຊິງໂຟນີ່” ຄືການທີ່ສະມາຊິກວົງດຸລິຍາງຈະສະແດງ ແລະ ຂັບຮ້ອງເພງຄີຕະກະວີທີ່ໂດດເດັ່ນ ເຊີ່ງມີທັງ ມາດາມບັດເຕີ້ຟຣາຍ ແລະ ຕູຣັນໂດ ຂອງປຸບຊີນີ ລາ ທາວິອາທາຂອງແວດີ ແລະ ກາເມນຂອງບີແຊ ໂດຍການຮຽບຮຽງເປັນເລື່ອງລາວທີ່ໜ້າປະທັບໃຈ ແລະ ສ້າງຄວາມຕື່ນຕາຕື່ນໃຈໃນການຮັບຊົມ ເຊີ່ງວົງດຸລິຍາງຄໍບອດຕິດ ເນໂອໂພລິດ ເປີດການສະແດງຢ່າງກວ້າງຂວາງໃນທະວີບເອີຣົບ 2008 ແລະ ໄດ້ຮັບລາງວັນ ແກມມີ່ ຂອງໂປແລນ ສຳຫຼັບອັລບັມດົນຕີທີ່ດີທີ່ສຸດໃນປີ 2015.

( ຕິດຕໍ່ສອບຖາມຂໍ້ມູນ ຫ້ອງການຜູ້ຕາງໜ້າ ບໍລິສັດ ໂຕໂຍ້ຕ້າ ມໍເຕີ້ ປະເທດໄທ ຈໍາກັດ ເບີໂທຕິດຕໍ່: 021 220 030-33 ).


​ເມືອງ ປະ​ເທ​ດ

ວັນ​ທີ

ສະຖານ​ທີ່​ສະ​ແດງ
ບັນດານ ​ເສຣີ ​ເບ​ກາ​ວັນ ປະ​ເທດ​ບູໄນ​ 
22 ຕຸລາ (​ວັນເສົາ)
ສູນ​ສິລະປະ​ ໂຮງຮຽນນານາ​ຊາດ​ ​ເຈ​ຣູດົງ
ກຸງ​ເທບ ປະ​ເທ​ດ​ໄທ
24 ຕຸລາ (ວັນຈັນ)
ສູນວັດທະນະທຳ​ແຫ່ງ​ປະ​ເທດ​ໄທ 
​ມະນິລາ ປະ​ເທດ​ຟິລິບປິນ
27 ຕຸລາ (ວັນພະຫັດ)
​ໂຮງ​ລະຄອນ ຣີສອດ​ໂຊ​ແລ
​ຈາ​ກາ​ຕ້າ ປະ​ເທດ​ອິນ​ໂດ​ເນ​ເຊຍ
29 ຕຸລາ (ວັນ​ເສົາ)
ຫ້ອງ​ສະ​ແດງ​ສິລະປະ​ຊິ​ປູ​ຕຣາ
​ວຽງຈັນ ປະ​ເທດ​ລາວ
31 ຕຸລາ (ວັນຈັນ)
ຫໍ​ວັດທະນະທຳ​ແຫ່ງ​ຊາດ​ລາວ
​ກົວລາ ລຳ​ເປີ ປະ​ເທດ​ມະ​ເລ​ເຊຍ
02 ພະຈິກ (ວັນພຸດ)
​​ເດ​ວັນ ຟິລຮາ​ໂມ​ນິກ ​ເປ​ໂຕ​ຣນາສ ກັວລາ​ລຳ​ເປີ
​ສິງກະ​ໂປ ປະ​ເທດ​ສິງກະ​ໂປ
04 ພະຈິກ (ວັນ​ສຸກ)
​ໂຮງ​ລະຄອນ​ແຄ​ປີ​ຕໍ
ພະນົມ​ເປັນ ປະ​ເທດກຳປູ​ເຈຍ
06 ພະຈິກ (ວັນອາທິດ)
​ໂຮງ​ລະຄອນ​ຈັກ​ໂຕ​ມຸກ
​ໂຮ​ຈີ່​ມິນ ປະ​ເທດ​ຫວຽດນາມ
11 ພະຈິກ (ວັນສຸກ)
​ໂຮງ​ລະຄອນ​ໂຮ​ຈີ່​ມິນ

ຜູ້​ສົນ​ໃຈ​ສາມາດ​ຊື້ບັດ ຫຼື ຄົ້ນຫາ​ຂໍ້​ມູນ​​ເພີ່ມ​ເຕີມ​ກ່ຽວກັບ​ຄອນ​ເສີດ​ການ​ກຸສົນ​ໂຕ​ໂຍຕ້າ ຄາ​ສສິກ 2016 ​ໄດ້​ທີ່

www.ToyotaClassics.asia

ຜູ້​ຕິດຕໍ່ຂອງ​ໂຕ​ໂຍຕ້າ
ສິຣິນດາ ບຸນຍະເກດ
ຜູ້​ຈັດການ​ພະແນກ​ບໍລິຫານ​ການ​ຕະຫຼາດ
ຝ່າຍການຕະຫລາດ
ສຳນັກງານ​ເຂດ​ພູມ​ມິ​ພາກ​​ແມ່​ນ້ຳຂອງ
ບໍລິສັດ​ໂຕ​ໂຍຕ້າ​ ມໍ​ເຕີ້ ປະ​ເທດ​ໄທ ຈຳກັດ
spunyake@toyota.co.th
ເບີໂທຕິດຕໍ່: +662-305-2043