ບໍລິສັດ ໂຕໂຢຕ້າ ມໍເຕີ້ ປະເທດໄທ ຈຳກັດ ໄດ້ເລັງເຫັນເຖິງຄວາມສຳຄັນໃນການພັດທະນາສັງຄົມລາວ ມາໂດຍຕະຫຼອດ ແລະ ໄດ້ຮ່ວມກັບຕົວແທນຈຳໜ່າຍ ໂຕໂຢຕ້າ ຢ່າງເປັນທາງການໃນ ສປປ ລາວ ສ້າງກິດຈະກຳສະໜັບສະໜູນສັງຄົມລາວຢ່າງຕໍ່ເນື່ອງ ພາຍໃຕ້ນະໂຍບາຍ “ໂຕໂຢຕ້າ ໄປໃສໄປນຳກັນ” ໂດຍມີການສະໜັບໜູນທາງດ້ານການສຶກສາ, ກີລາ ແລະ ວັດທະນະທຳ.


ກິດຈະກຳ “ໂຕໂຢຕ້າ ໃຈດີໃຫ້ນ້ອງສະຫຼອງວັນເດັກນ້ອຍສາກົນ” ກໍ່ເປັນອີກກິດຈະກຳໜຶ່ງທີ່ ໂຕໂຢຕ້າ ຈັດຂຶ້ນເພື່ອສະໜັບສະໜູນສັງຄົມລາວຢ່າງຕໍ່ເນື່ອງທຸກປີ ໃນວັນເສົາ, ທີ 27 ພຶດສະພາ 2017 ທີ່ຜ່ານມາ ບໍລິສັດ ໂຕໂຢຕ້າ ມໍເຕີ້ ປະເທດໄທ ຮ່ວມກັບຕົວແທນຈຳໜ່າຍ ໂຕໂຢຕ້າ ຢ່າງເປັນທາງການ ໃນ ສປປ ລາວ ໄດ້ຈັດງານ “Toyota Children’s Day 2017” ໂຕໂຢຕ້າ ໃຈດີໃຫ້ນ້ອງ ສະຫຼອງວັນເດັກນ້ອຍສາກົນ ທີ່ຕົວແທນຈຳໜ່າຍ ໂຕໂຢຕ້າ ທົ່ວປະເທດ ຄື: ໂຕໂຢຕ້າ ລາວທານີ ແລະ ໂຕໂຢຕ້າ ລາວບໍລິການ (ນະຄອນຫຼວງວຽງຈັນ), ໂຕໂຢຕ້າ ລາວສະຫວັນ (ແຂວງສະຫວັນນະເຂດ), ໂຕໂຢຕ້າ ຈໍາປາ ແລະ ໂຕໂຢຕ້າພາກໃຕ້ (ແຂວງຈໍາປາສັກ) ແລະ ໂຕໂຢຕ້າ ເມືອງຫຼວງ (ແຂວງຫຼວງພະບາງ).


ໂດຍນ້ອງໆ ທີ່ເຂົ້າຮ່ວມກິດຈະກຳ ໄດ້ຮັບປະທານອາຫານ ແລະ ເຄື່ອງດື່ມ FREE ພ້ອມຊົມການສະແດງຈາກໂຮງຮຽນຕ່າງໆ ແລະ ຫຼິ້ນເກມຊິງລາງວັນຫຼາຍລາຍການ ນອກຈາກ ໂຕໂຢຕ້າ ຈະໄດ້ສ້າງຄວາມສຸກ ແລະ ສຽງຫົວໃຫ້ກັບນ້ອງໆແລ້ວ ໂຕໂຢຕ້າ ຍັງໄດ້ມອບຂອງທີ່ລະລຶກເຊັ່ນ: ກະຕິກນ້ຳ, ສໍສີ, ປຶ້ມຂຽນ ທີ່ມີປະໂຫຍດກັບນ້ອງໆເຍົາວະຊົນອີກດ້ວຍ.