ໃນມື້ວັນທີ 24 ຕຸລາ 2014 ສະມາຄົມມິດຕະພາບໄທ-ລາວ, ລາວ-ໄທຮ່ວມກັບອົງການຈັດຕັ້ງທຸກພາກສ່ວນໃນເມືອງວັງວຽງໄດ້ມີຄວາມສາມັກຄີພ້ອມພຽງກັນຈັດກອງບຸນກະຖິ່ນສາມັກຄີພະລາດຊະທານຈາກເຈົ້າມະຫາຊີວິດແຫ່ງລາດຊະອານາຈັກໄທ ຂຶ້ນທີ່ວັດ ສີສຸມັງຄະຣະຣາມ ເມືອງວັງວຽງ ແຂວງວຽງຈັນ ໂອກາດນີ້ທາງ ບໍລິສັດ ໂຕໂຍຕ້າ ປະເທດໄທ ຈຳກັດ ພ້ອມດ້ວຍຕົວແທນຈຳໜ່າຍ ລົດໂຕໂຍຕ້າຢ່າງເປັນທາງການລວມມີ 8ແຫ່ງຄື : ໂຕໂຍຕ້າລາວທານີ, ລາວໂຕໂຍຕ້າບໍລິການ, ໂຕໂຍຕ້າລາວສະຫວັນ, ໂຕໂຍຕ້າຈຳປາ, ໂຕໂຍຕ້າເມືອງຫລວງ ແລະ ໂຕໂຍຕ້າພາກໃຕ້ ກໍ່ໄດ້ມີຈິດສັດທາຮ່ວມຖະຫວາຍສົມທົບເງິນ ເປັນຈຳນວນເງິນກວ່າ : 55,000,000 ກີບ, ນອກຈາກນີ້​ໂຕ​ໂຍຕ້າຍັງໄດ້ມອບເງິນ​ເພື່ອ​ເຮັດ​ສູນ​ອອກກຳລັງກາຍໃຫ້​ໂຮງຮຽນວັດທະນາທຳຊົນເຜົ່າແລະເດັກກຳພ້າ ຫຼັກ67 ວັງວຽງ, ແຂວງວຽງຈັນ​ເຊິ່ງ​​ເປັນ​ໂຮງ​ຮຽນທີ່ຢູ່​ໃນ​ການ​ອຸປະຖຳ​ຂອງ​ສົມ​ເດດ​ພະ​ເທບ ​ແລະ ສວນ​ສຸກຂະພາບ​ແຫ່ງ​ນີ້​ຍັງ​ໄດ້​ຮັບ​ພະລາດ​ຊະ​ທານ​ຊື່​ຈາກ​ພະ​ເທບ​ວ່າ: “ສວນ​ສຸກຂະພາບ​ມິ່ງ​ມິດ” ມູນຄ່າ 100,000,000ກີບ ລວມແລ້ວ ມູນຄ່າທັງຫມົດ 155,375,000ກີບ ທ່ານ ປະກອນ ວົງວິທະຍາພິຣົມ ທີ່ປຶກສາບໍລິຫານ ບໍລິສັດໂຕໂຍຕ້າ ມໍເຕີ ປະເທດໄທ ຈຳກັດ ໄດ້ກ່າວໃນຕອນໜຶ່ງວ່າ “ປີນີ້ເປັນອີກປີທີ່ ໂຕໂຍຕ້າ ໄດ້ຮັບກຽດເຂົ້າຮ່ວມເປັນສ່ວນໜຶ່ງໃນການຕັ້ງກອງບຸນກະຖິ່ນສາມັກຄີໃນຄັ້ງນີ້ ເພື່ອປະຕິບັດຕາມປະເພນີທີ່ມີຢູ່ມາຍາວນານ ນອກຈາກນີ້ໂຕໂຍຕ້າກໍ່ພ້ອມທີ່ຈະສະໜັບສະໜູນ ແລະ ໃຫ້ຄວາມສຳຄັນ ກັບທຸກກິດຈະກຳທີມີປະໂຫຍດຕໍ່ສັງຄົມ ເສດຖະກິດ ແລະ ປະເພນີວັດທະນາທຳດີໆ ຂອງລາວໃນໂອກາດຕໍ່ໆໄປ”.