Royal Kathin in Salavan 2015

21 November 2015

ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ  ໄດ້ຮ່ວມໂດຍສະເດັດພະຣາຊະກຸສົນກະຖິນ ພະຣາຊະທານປະຈຳປີ 2015 ທີ່ ວັດສີມົງຄຸນ  ເມືອງແລະແຂວງສາລະວັນ

ໃນລະຫວ່າງວັນທີ 20-21 ພະຈິກ 2015 ທີ່ຜ່ານມາ ທາງບໍລິສັດ ໂຕໂຍຕ້າ ມໍເຕີ້ ປະເທດໄທ ຈໍາກັດ ນໍາໂດຍ    ທ່ານ ກຳພົນ ເອກເມທີພັນ, ຮອງປະທານ ຝ່າຍປະຕິບັດການ  ສາຍງານຢ່ອຍພູມມິພາກແມ່ນໍ້າຂອງ , ພ້ອມດ້ວຍສະມາຄົມ ມິດຕະພາບໄທ-ລາວ, ສະມາຄົມ ມິດຕະພາບລາວ-ໄທ ແລະ ອົງການຈັດຕັ້ງຕ່າງໆພາຍໃນເມືອງສາລະວັນ ໄດ້ຮ່ວມກັນຈັດຕັ້ງບຸນກະຖິນມະຫາສາມັກຄີພະຣາຊະທານຈາກເຈົ້າມະຫາຊີວິດແຫ່ງຣາຊະອານາຈັກໄທ (ພະບາດສົມເດັດພະປະຣະມິນທະລະມະຫາພູມິພົນອະດຸນຍະເດດ) ທີ່ ວັດສີມົງຄຸນ, ເມືອງສາລະວັນ, ແຂວງສາລະວັນ, ສປປ ລາວ.

ໂດຍທາງ ຝ່າຍປະຕິບັດການ ສາຍງານຢ່ອຍພູມມິພາກແມ່ນໍ້າຂອງ ບໍລິສັດ ໂຕໂຍຕ້າ  ມໍເຕີ້ ປະເທດໄທ ຈຳກັດ ຮ່ວມກັບຕົວແທນຈຳໜ່າຍໂຕໂຍຕ້າຢ່າງເປັນທາງການທັງ 6 ແຫ່ງ ຄື : ບໍລິສັດ ໂຕໂຍຕ້າ ລາວທານີ ຈຳກັດ, ບໍລິສັດ ລາວໂຕໂຢຕ້າ ບໍລິການ ຈຳກັດ, ບໍລິສັດ ໂຕໂຢຕ້າ ລາວສະຫວັນ ຈຳກັດ, ບໍລິສັດ ໂຕໂຍຕ້າ ຈຳປາ ຈຳກັດ, ບໍລິສັດ ໂຕໂຍຕ້າ ເມືອງຫຼວງ ຈຳກັດ, ບໍລິສັດ ລາວໂຕໂຍຕ້າ ພາກໃຕ້ ຈຳກັດ ແລະ ພະນັກງານໂຕໂຍຕ້າ ຮ່ວມຖະຫວາຍເງິນສົມທົບເປັນຈຳນວນເງິນ 85,114,100 ກີບ (368,460 ບາດ).

ໃນໂອກາດນີ້ ທ່ານ ສີສຸວັນ ວົງຈອມສີ, ເຈົ້າແຂວງສາລະວັນ ຍັງໄດ້ຮັບມອບເຄື່ອງອຸປະຖຳ ຈາກ        ທ່ານ ກຳພົນ ເອກເມທີພັນ, ຮອງປະທານ ຝ່າຍປະຕິບັດການ ສາຍງານຢ່ອຍພູມມິພາກແມ່ນໍ້າຂອງ ,  ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ  ເປັນ ເຄື່ອງດົນຕຣີພື້ນບ້ານ (ຊຸດເຄື່ອງສາຍ) ສຳຫຼັບເຍົາວະຊົນໃນສູນວັດທະນະທຳແຂວງສາລະວັນ ຈຳນວນ 29 ອັນ ມູນຄ່າ 28,091,910 ກີບ (121,610 ບາດ). ລວມມູນຄ່າທັງໝົດ 113,106,010 ກີບ (490,070 ບາດ)

ເຊິ່ງກິດຈະກຳການຕັ້ງກອງບຸນກະຖິນມະຫາສາມັກຄີໃນຄັ້ງນີ້ ຖືເປັນອີກກິດຈະກຳໜຶ່ງທີ່ ບໍລິສັດ   ໂຕໂຍຕ້າ ມໍເຕີ້ ປະເທດໄທ ຈຳກັດ ໄດ້ປະກອບສ່ວນມາໂດຍຕະຫຼອດເພື່ອສືບຕໍ່ປະເພນີອັນດີງາມ. ນອກຈາກນີ້ ໂຕໂຍຕ້າ ຍັງຈະສືບຕໍ່ສະໜັບສະໜູນ ແລະ ດຳເນີນກິດຈະກຳຕ່າງໆທີ່ມີປະໂຫຍດຕໍ່ສັງຄົມ, ການສຶກສາ ແລະ ປະເພນີວັດຖະນາທຳຕ່າງໆຂອງລາວຕໍ່ໄປໃນອະນາຄົດ