ການແຂ່ງຂັນເຕະບານ ໂຕໂຍຕ້າ ແມ່ຂອງຄັບ ແຊມປ້ຽນຊິບ ປະຈໍາປີ 2016


9 ມັງກອນ 2017 - ໂຕໂຍຕ້າ ມີຄວາມພູມໃຈທີ່ຈະປະກາດວ່າ ບູລີລຳ ຢູນິເຕັດ ເປັນຜູ້ຄວ້າແຊມໂຕໂຍຕ້າ ແມ່ຂອງ ຄັບ ແຊມປ້ຽນຊິບ ປະຈໍາປີ 2016 ໄປໄດ້ ໂດຍຄອງທັງຖ້ວຍລາງວັນ ໂຕໂຍຕ້າ ແມ່ຂອງຄັບ ແຊມປ້ຽນຊິບ ແລະ ເງິນລາງວັນມູນຄ່າ 75,000 ໂດລາ ແລະ ສໍາລັບທີມລ້ານຊ້າງ ຢູນິເຕັດ ທີ່ໄດ້ຮັບລາງວັນຮອງຊະນະເລີດນັ້ນ ໄດ້ຮັບລາງວັນເງິນສົດມູນຄ່າ 50,000 ໂດລາ


ເຖິງວ່າ ບູລີລຳ ຢູນິເຕັດຈະເປັນຝ່າຍຊະນະໄປດ້ວຍຄະແນນ 2-0 (ລວມ 2 ນັດ ຄະແນນ 2-1) ທີມລ້ານຊ້າງ ຢູນິເຕັດ ກໍ່ສູ້ໄດ້ສົມສັກສີ ນອກຈາກນີ້ຜູ້ຮັກສາປະຕູ ໝາຍເລກ 13 ຂອງທີມລ້ານຊ້າງ ຢູນິເຕັດ “ສຸກທະວີ ສູນດາລາ” ຍັງໄດ້ຮັບລາງວັນຜູ້ຫຼິ້ນຊົງຄຸນຄ່າ (Most Valuable Player) ຈາກທັກສະການປ້ອງກັນປະຕູອັນຍອດຍ້ຽມ ພ້ອມຮັບລາງວັນເງິນສົດມູນຄ່າ 3,000 ໂດລາ ອີກດ້ວຍ


ການແຂ່ງຂັນໂຕໂຍຕ້າ ແມ່ຂອງ ຄັບ ແຊມປ້ຽນຊິບ ຮອບຊິງຊະນະເລີດ ເປັນການແຂ່ງຂັນທັງໝົດ 2 ຄັ້ງ ໂດຍ ຄັ້ງທໍາອິດຈັດຂຶ້ນເມື່ອວັນທີ 4 ມັງກອນທີ່ຜ່ານມາ ທີ່ສະໜາມເຈົ້າ ອານຸວົງ ນະຄອນຫຼວງວຽງຈັນ ເຊິ່ງທີມລ້າງຊ້າງ ຢູນິເຕັດ ສາມາດເອົາຊະນະໄປດ້ວຍ 1-0 ສ່ວນ ຄັ້ງທີ່ 2 ນັ້ນຈັດຂຶ້ນເມື່ອວັນທີ 8 ມັງກອນ ທີ່ປະເທດໄທເຊິ່ງທີມ ບູລີລຳ ຢູນິເຕັດ ເປັນຝ່າຍໄດ້ຮັບໄຊຊະນະໄປ


ໂດຍຜູ້ຊະນະໄດ້ຮັບຖ້ວຍລາງວັນໂຕໂຍຕ້າ ແມ່ຂອງຄັບ ແຊມປ້ຽນຊິບ ຈາກ ທ່ານ. ຄຽວອິຈິ ທານາຄະ (Mr. Kyoichi Tanada)  ເຈົ້າໜ້າທີບໍລິຫານ ບໍລິສັດ ໂຕໂຍຕ້າ ມໍເຕີ ຄໍເປີເລຊັນ ແລະ ກໍາມະການຜູ້ຈັດການໃຫຍ່, ບໍລິສັດ ໂຕໂຍຕ້າ ມໍເຕີ ປະເທດໄທ ຈໍາກັດ ທີ່ສະໜາມກິລາ ມະຫາວິທະຍາໄລທໍາມະສາດ ລັງສິດ.


ທ່ານ ຮັນໂກ້ ໂປໂປວິດ ຫົວໜ້າຜູ້ຝຶກສອນທີມ ບູລີລໍາ ຢູນິເຕັດ ກ່າວວ່າ “ ຂ້າພະເຈົ້າຂໍຍົກໄຊຊະນະນັດນີ້ໃຫ້ກັບທີມ ເນື່ອງຈາກຜົນການແຂ່ງຂັນໃນນັດທໍາອິດບໍ່ໄດ້ເປັນແບບທີ່ເຮົາຕ້ອງການ ເຮັດໃຫ້ນັກເຕະຂອງທີມເຮົາມີຄວາມມຸ້ງໝັ້ນທີ່ຈະເຮັດໃຫ້ດີທີ່ສຸດໃນນັດນີ້ ຕັ້ງແຕ່ນາທີທໍາອິດຈົນເຖິງຍິນສຽງໝາກຫວີດໝົດເວລາ ການແຂ່ງຂັນ ຂ້າພະເຈົ້າບອກພວດເຂົາວ່າເຮົາຕ້ອງເຮັດປະຕູໃຫ້ໄດ້ຢ່າງນ້ອຍ 1 ປະຕູ ເພື່ອໃຫ້ຮູບເກມກັບມາເປັນຂອງເຮົາ ຜູ້ຫຼິ້ນຂອງເຮົາທຸກຄົນຫຼິ້ນໄດ້ຕາມແຜນທີ່ວາງໄວ້ ເຮົາພູມໃຈທີ່ໄດ້ຄອງຕໍ່າແໜ່ງແຊ້ມໃນປີນີ້" ແລະ ຍັງກ່າວຊື່ນຊົມລ້າງຊ້າງຢູນິເຕັດວ່າ “ການແຂ່ງຂັນນັດນີ້ນັດເປັນແມັດທີ່ຍາກລໍາບາກ ແລະ ສະແດງໃຫ້ເຫັນວ່າທີມເຕະບານໃນປະເທດແຖບລຸ່ມແມ່ນໍ້າຂອງນັ້ນມີທັກສະຍະພາບທີ່ເຂັ້ມແຂງຂືຶ້ນເລື່ອຍໆ” ແລະ ອວຍພອນໃຫ້ທີມ ລ້ານຊ້າງ ຢູນິເຕັດ ຈະປະສົບຜົນສໍາເລັດໃນລະດູການໃໝ່ທີ່ກໍາລັງມາເຖິງ ແລະ ຫວັງວ່າຈະໄດ້ພົບກັນອີກໃນອານາຄົດ


ທ່ານ ເລໂອນາໂດ້ ວິໂຕຮິໂນ່ ຫົວໜ້າຜູ້ຝຶກສອນທີມ ລ້ານຊ້າງ ຢູນິເຕັດ ກ່າວວ່າ “ເຮົາແພ້ພຽງແຕ່ນັດດຽວໃນລະດູການນີ້ ແລະ ທີມທີ່ເຮົາແພ້ນັ້ນກໍຄື ບູລີລໍາ ຢູນິເຕັດ ມັນຍາກທີ່ຈະອະທິບາຍຄວາມຮູ້ສຶກໃນຕອນນີ້ ຈັງໃດກໍຕາມ ຂ້າພະເຈົ້າພູໃຈໃນໂຕລູກທີມຂອງຂ້າພະເຈົ້າທຸກຄົນ ກ່ອນໜ້ານີ້ບໍ່ມີໃຜຮູ້ຈັກ ລ້ານຊ້າງ ຢູນິເຕັດ ຈົນເຖິງພວກເຮົາສາມາດເອົາຊະນະ ລູລີລໍາ ຢູນິເຕັດໄດ້ໃນນັດທໍາອິດ ເຖິງວ່າພວກເຮົາຈະບໍ່ໄດ້ແຊ້ມ ແຕ່ຂ້າພະເຈົ້າເຊື່ອໝັ້ນວ່າ ລ້ານຊ້າງ ຢູນິເຕັດ ແລະ ວົງໃນການເຕະບານລາວ ກໍາລັງພັດທະນາຢູ່ໃນເສັ້ນທາງທີ່ຖືກຕ້ອງແລ້ວ”


ທ່ານ ຄຽວອິຈິ ທານາຄະ ເຜຍວ່າ “ຂ້າພະເຈົ້າຂໍສະແດງຄວາມຍິນດີກັບທີມ ບູລີລໍາຢູນິເຕັດ ທີ່ສາມາດຄອງຕໍ່າແໜ່ງແຊ້ມໃນຄັ້ງນີ້ ຈັງໃດກໍດີ ຂ້າພະເຈົ້າຂໍຂອບໃຈທີມອື່ນໆ ນໍາທີ່ທຸ່ມເທໃນການຫຼິ້ນຢ່າງເຕັມທີ່ ແລະ ເປັນສ່ວນໜຶ່ງທີ່ຊ່ວຍສ້າງສີສັນ ແລະ ຄວາມສໍາເລັດໃຫ້ກັບການແຂ່ງຂັນ ໂຕໂຍຕ້າ ແມ່ຂອງ ຄັບ ແຊ້ມປ້ຽນຊິບ ປະຈໍາປີ 2016 ນີ້ ທັງນີ້ ການຫຼິ້ນທີ່ເປັນທີມເວີກນັ້ນມີຄວາມສໍາຄັນໃນການແຂ່ງຂັນເຕະບານ ເຊັ່ນດຽວກັບປັດຊະຍາວິຖີໂຕໂຍຕ້າ ວ່າດ້ວຍຫຼັກການເຮັດວຽກເປັນທີມ ເຮົາຫວັງວ່າການສະໜັບສະໜູນໃນການແຂ່ງຂັນເຕະບານ ຈະຊ່ວຍໃຫ້ໂຕໂຍຕ້າໄດ້ເດີນໜ້າມີສ່ວນຮ່ວມໃນການພັດທະນາຊຸມຊົນໃນປະເທດແຖບລຸ່ມແມ່ນນໍາຂອງຕໍ່ໄປ”


ການແຂ່ງຂັນໂຕໂຍຕ້າ ແມ່ຂອງ ຄັບ ແຊ້ມປ້ຽນຊິບ ຈັດຂຶ້ນທຸກປີ ໂດຍໃນປີນີ້ຖືເປັນປີທີ່ສາມແລ້ວ ການແຂ່ງຂັນລາຍການດັ່ງກ່າວມີແຟນເຕະບານຢ່ງໜຽວແໜ້ນ ແລະ ເຂົ້າຊົມການແຂ່ງຂັນຫຼາຍຂຶ້ນເລື່ອຍໆ ທຸກປີ ທັງນີ້ເພື່ອເອົາໃຈແຟນບານທີ່ເຝົ້າຕິດຕາມການແຂ່ງຂັນຢ່າງໃຈຈົດໃຈຈໍຫຼາຍຂຶ້ນເລື່ອຍໆ ໂຕໂຍຕ້າ ຈຶ່ງໄດ້ປັບຮູບແບບການແຂ່ງຂັນ ຮອບຊິງຊະນະເລີດໃນປີນີ້ຈາກເດີມ ທີ່ມີການແຂ່ງຂັນພຽງນັດດຽວໃນປີທີ່ແລ້ວ ມາເປັນການແຂ່ງຂັນກັນສອງນັດໃນປະເທດຂອງທີມທີ່ເຂົ້າຮອບຊິງຊະນະເລີດ ໂດຍມີແຟນບານຈໍານວນກວ່າ 20,000 ຄົນ ເຂົ້າຮ່ວມເຊຍທີມທີ່ເຂົ້າຊິງຊະນະເລີດທັງສອງນັດ


ຄວາມໜ້າສົນໃຈ ຂອງກາານແຂ່ງຂັນໃນປີນີ້ ເລີ່ມຕັ້ງແຕ່ໃນຮອບທໍາອິດທີ່ມີການແຂ່ງຂັນ   ທັງໝົດສາມນັດ ໂດຍນັດທໍາອິດເປັນການພົບກັນລະຫວ່າງທີມ ລ້ານຊ້າງ ຢູນິເຕັດ ເອັບຊີ ຈາກປະເທດລາວ ແລະ ທິມSHB ດານັງ ເອັບຊີ ຈາກປະເທດຫວຽດນາມ ວັນທີ 23 ທັນວາ 2016 ຫຼັງຈາກນັ້ນ ທິມອາຄານາບອນ ເອັບຊີ ກໍລົງແຂ່ງຂັນກັບທິມ ລ້ານຊ້າງ ຢູນິເຕັດ ເອັບຊີ ໃນວັນທີ 27 ທັນວາ 2016 ຜົນປາກົດວ່າ ລ້ານຊ້າງຢູນິເຕັດ ສາມາດຜ່ານດ່ານເປັນຜູ້ຊະນະໃນຮອບທໍາອິດ ຜ່ານເຂົ້າໄປແຂ່ງໃນຮອບຕັດເຊືອກພົບກັບທິມ ບອງເກດ ອັງກໍ ເອັບຊີ ຈາກປະເທດກໍາປູເຈຍ  ເຊີ່ງຄອງຕໍາແໜ່ງຮອງແຊັມ ຂອງການແຂ່ງຂັນໃນປີທີ່ຜ່ານມາ ໃນວັນທີ 31 ທັນວາ  ໂດຍລ້ານຊ້າງ ຢູນິເຕັດ ສາມາດເອົາຊະນະໄປໄດ້ໃນຮອບນີ້ ການແຂ່ງຂັນເຕະບານ ໂຕໂຍຕ້າ ແມ່ຂອງຄັບ ແຊັມປ່ຽນຊິບ ປີນີ້ ຜູ້ຫຼິ້ນທຸກທິມຕ່າງ ທຸ່ມເທແຮງກາຍແຮງໃຈໃນການລົງຫຼິ້ນທຸກນັດ ເຮັດໃຫ້ການແຂ່ງຂັນເຕັມໄປດ້ວຍຄວາມຮ້ອນແຮງ ແລະ ເຂັ້ມຂຸ້ນ ນອກຈາກນັ້ນ ຍັງມີສຽງເຊຍຈາກບັນດາແຟນບານ ດັງໄປທົ່ວສະໜາມ ທີ່ເຮັດການແຂ່ງຂັນດ້ວຍເຊັ່ນກັນ


ການແຂ່ງຂັນເຕະບານໂຕໂຍຕ້າ ແມ່ຂອງຄັບ ແຊັມປ້ຽນຊິບ ຕະຫຼອດທັງລາຍການມີຜູ້ຊົມລວມທັງໝົດ 72,800 ຄົນ ເຊີ່ງທາງໂຕໂຍຕ້າຫວັງວ່າຈະມີສ່ວນຮ່ວມ ໃນການພັດທະນາຊຸມຊົນໃນທົ່ວປະເທດແຖບລຸ່ມແມ່ນໍ້າຂອງຕໍ່ໄປດ້ວຍການສະໜັບສະໜູນກິລາເຕະບານ ຕະຫຼອດຈົນສົ່ງເສີມໃຫ້ເກີດການພັດທະນາຢ່າງຢັ້ງຢືນໃນທັງ 5 ປະເທດທີ່ຢູ່ ໃນພູມມີພາກນີ້


ວັດຖຸປະສົງຂອງການແຂ່ງຂັນເຕະບານ ໂຕໂຍຕ້າແມ່ຂອງຄັບ ແຊັມປ່ຽນຊິບ


ບໍລິສັດ ໂດຍໂຕໂຍຕ້າ ມໍເຕິ້ ເອເຊຍ ປາຊີຟິກ (Toyota Motor Asia Pacific ຫຼື TMAP) ລິເລີ່ມຈັດການແຂ່ງຂັນເຕະບານ ໂຕໂຍຕ້າ ແມ່ຂອງ ຄັບ ແຊມປ້ຽນຊິບ ເພື່ອເປັນລາຍການແຂ່ງຂັນເຕະບານຂອງທີມແຊມເຕະບານຫຼີກໃນລະດັບປະເທດຈາກກຸ່ມປະເທດໃນເຂດລຸ່ມແມ່ນໍ້າຂອງ ໃນປີ 2014 ພາຍໃຕ້ຊື່ ”ໂຄງການເຕະບານໂຕໂຍຕ້າແມ່ຂອງ” (Toyota Mekong Football Project ຫຼື MFP) ດ້ວຍແນວຄິດທີ່ຕ້ອງການເຊື່ອມໂຍງພະລັງແຫ່ງຄວາມມັກໃນກິລາເຕະບານເຂົ້າກັບຄວາມຕັ້ງໃຈຈິງຂອງ ໂຕໂຍຕ້າ ໃນການນໍາສະເໜີລົດຍົນ “ທີ່ດີຍິ່ງກວ່າ” (ever better cars) ໃຫ້ກັບລູກຄ້າ ເພື່ອນໍານະວັດຕະກໍາແຫ່ງຄວາມຢັ້ງຍືນ ແລະ ຄວາມຕື່ນເຕັ້ນໃຫ້ກັບທຸກປະເທດ


ຍິ່ງໄປກວ່ານັ້ນ ໂຕໂຍຕ້າມີຄວາມຕັ້ງໃຈທີ່ຈະເປັນຫຼາຍກວ່າບໍລິສັດລົດຍົນ ໂດຍການຮ່ວມເປັນ “ພັນທະມິດທີ່ດີທີ່ສຸດ” (Best Partner) ພາຍໃຕ້ຄວາມໝຸ້ງໝັ້ນທີ່ຈະຍົກລະດັບຄຸນນະພາບຊີວິດ ແລະ ສັງຄົມຂອງຊຸມຊົນທ້ອງຖິ່ນໃນປະເທດ ກໍາປູເຈຍ ລາວ ມຽນມາ ຫວຽດນາມ ແລະ ປະເທດໄທ ດ້ວຍການສະໜັບສະໜູນກິລາເຕະບານຊຶ່ງຖືໄດ້ວ່າເປັນກິລາຍອດນິຍົມໃນລະດັບໂລກ 


ໃນທະວີບເອເຊຍ ໂຕໂຍຕ້າ ໄດ້ດໍາເນີນການທີ່ຊ່ວຍສົ່ງເສີມຊຸມຊົນທ້ອງຖິ່ນຫຼາຍກວ່າ 200 ໂຄງການ ຄອບຄຸມທັງໃນດ້ານ ສິນລະປະວັດທະນາທໍາ ການເບິ່ງແຍງສຸຂະພາບ ການໃຫ້ບໍລິການຊຸມຊົນ ການສຶກສາ ສິ່ງແວດລ້ອມ ຄວາມປອດໄພທ້ອງຖະໜົນ ແລະ ກິລາ ຕົວຢ່າງຂອງໂຄງການນີ້ ໂຕໂຍຕ້າ ໄດ້ລິເລີ່ມເພື່ອປະຊາຊົນໃນພູມິພາກນີ້ ໄດ້ແກ່ ໂຕໂຍຕ້າ ຄາສສິກ (Toyota Classics Concert) ຊຶ່ງລາຍໄດ້ທຈາກການຈັດຈັດສະແດງຄອນເສີດງານໄດ້ຖືກນໍາໄປມອບໃຫ້ໂຄງການກຸສົນໃນແຕ່ລະປະເທດ ແລະ ໂຄງການດ້ານຄວາມປອດໄພລະດັບພູມິພາກ (Regional Safety Campaign) ເຊິ່ງຈັດຂຶ້ນເພື່ອສົ່ງເສີມໃຫ້ຜູ້ຄົນໃຫ້ຄວາມສໍາຄັນກັບການໃຊ້ເຂັມຂັດນິລະໄພ


ສໍາລັບຂໍ້ມູນເພີ່ມເຕີ່ມກະລຸນາເຂົ້າຊົມເວບໄຊ, Facebook ແລະ youtube ຕາມລາຍລະອຽດດ້ານລຸ່ມ


Official Website :  http://www.toyotamekongfootball.com/ 

Youtube page :  https://www.youtube.com/channel/UClPuxRcjhG4rF5Zriy_j2KA/feed 

Facebook page :  https://www.facebook.com/ToyotaMCC