ວັນທີ 31 ພຶດສະພາ 2015 ທີ່ຜ່ານມາ ບໍລິສັດ ໂຕໂຍຕ້າ ມໍເຕີ ປະເທດໄທ ຈໍາກັດ ຮ່ວມກັບຕົວແທນຈໍາໜ່າຍໂຕໂຍຕ້າຢ່າງເປັນທາງການ ໄດ້ຈັດງານ “ໂຕໂຍຕ້າໃຈດີໃຫ້ນ້ອງ ສະຫລອງວັນເດັກນ້ອຍສາກົນ“ ທີ່ໂຊລູມຕົວແທນຈໍາໜ່າຍທົ່ວປະເທດ ໄດ້ແກ່ ໂຕໂຍຕ້າລາວທານີ ແລະ ລາວໂຕໂຍຕ້າບໍລິການ ນະຄອນຫລວງວຽງຈັນ ໂຕໂຍຕ້າລາວສະຫວັນ ແຂວງສະຫວັນນະເຂດ ໂຕໂຍຕ້າຈໍາປາ ແລະ ໂຕໂຍຕ້າລາວພາກໃຕ້ ແຂວງຈໍາປາສັກ ແລະ ໂຕໂຍຕ້າເມືອງຫລວງ ແຂວງຫລວງພະບາງ

ນ້ອງໆທີ່ເຂົ້າຮ່ວມງານຈະໄດ້ຮັບຂອງແຈກຢ່າງຫລວງຫລາຍເຊັ່ນ: ປື້ມຂຽນ ຕຸກກະຕາ ພ້ອມອາຫານ ແລະ ເຄື່ອງດື່ມຟຣີ ນອກຈາກນີ້ຍັງໄດ້ຮ່ວມກິດຈະກໍາແຕ້ມຮູບ ເບີ່ງການສະແດງ ແລະ ຫລີ້ນເກມຮັບຂອງທີລະນືກຢ່າງຫລວງຫລາຍ.

ຫລັງຈາກຈົບງານແລ້ວ ບໍລິສັດ ໂຕໂຍຕ້າ ມໍເຕີ ປະເທດໄທ ຈໍາກັດ ຮ່ວມກັບຕົວແທນຈໍາໜ່າຍໂຕໂຍຕ້າຢ່າງເປັນທາງການໃນ ສປປ ລາວ ຍັງໄດ້ມອບປື້ມຂຽນໃຫ້ກັບໂຮງຮຽນຫລາຍແຫ່ງອີກເປັນຈໍານວນ 50,000 ຫົວ

ກິດຈະກໍາດັ່ງກ່າວເປັນອີກກິດຈະກໍາໜື່ງພາຍໃຕ້ໂຄງການ “ ໂຕໂຍຕ້າ ໄປໃສໄປນໍາກັນ “ ທີ່ບໍລິສັດ ໂຕໂຍຕ້າ ມໍເຕີ້ ປະເທດໄທ ຈໍາກັດ ຕັ້ງໃຈຈັດຂື້ນເພື່ອສະໜັບສະໜູນການສືກສາຂອງເຍົາວະຊົນລາວມາໂດຍຕະຫລອດ